حلمى بكر يكشف عن سبب غياب المسلسلات الدينية.. وكواليس الفوزايز القديمة

هنأ الملحن حلمى بكر، الأمة الإسلامية بمناسبة حلول شهر رمضان الكريم، وكشف عن سبب غياب المسلسلات التاريخية والديينية على الفضائيات فى وقتنا الحالى، مرجعا السبب إلى التزاحم الدرامى الكبير، أثر على اختفاء تلك النوعيات من الأعمال الدرامية، وأنه من أخطر عوامل اختفائها هى التعددية، دون التركيز على الهدف أو المضمون، عكس الأوقات السابقة حيث كانت فترة الفجر يتم بث فيها عدد كبير من الأعمال التاريخية والدينية، لتدخل الناس فى فترة لم يكونوا عاصروها.

وأوضح حلمى، ذلك فى مداخلة هاتفية، لبرنامج "القاهرة اليوم" الذى تقدمه الإعلامية رانيا بدوى، عبر شاشة "أوربت" حيث قال: " الكترة بتغلب الشجاعة؟، ومن اخطر الحاجات الزحمة فى المسلسلات، واليوم كله بقى مبقاش فىه بركة، وبالتالى مش هيبان المسلسلات.. وكان زمان فترة الفجر بيتذاع فيها أعمال درامية وتاريخية كتير والناس كانت بتعرف كل حاجة عن الفترة دى بس مبقاش موجود دلوقتى".

وعن الفوازير التى اختفت قال "بكر": "كان شئ جديد علينا اننا نعمل عرض موسيقى راقص، عبارة عن عرض شامل وكان الاطفال بيحبوا ده ويخلوا الكبار يستنوا معاهم الفوازي والجميل اننا كنا بنعمل تتر وكنا حريصين ان التتر يبقى كويس علشان يشد الناس، وكان همنا ازاى الناس تحفظ الفوازير وكان مقياس نجاح اى فوزايز هو حفظ تتر، وكان شئ جميل كان الناس بتجتمع عليه بعد الفطار".