بالفيديو.. هاني شاكر يكشف أسباب ترشحه لمنصب نقيب الموسيقيين

كشف الفنان هانى شاكر عن أسباب ترشحه لمنصب نقيب الموسيقيين، كما بين كيفية قضائه لوقته فى شهر رمضان.

حيث قال"شاكر"خلال برنامج"البيت بيتك"والذى يذاع على قناة"Ten": "انا لاقيت استجابة ودعوة من زملائى لترشحى الفترة الجاية وعلى طلبهم الحقيقة انا كان معروض عليا من فترة طويلة لاكثر من دورتين بس احساسى ان احنا محتاجين نلم شملنا مرة تانية ونلم اعضائنا مرة تانية ونهتم بالعاملين فيها".

وأضاف قائلا: "نقابة المسيقين نقابة كبيرة وعظيمة وملئية بالمواهب يعنى نقابة قادرة انها تاثر فى الحياة الفنية المصرية فهى محاولة منى ، ويارب يكتبلى النجاح واقدر الم الشمل مرة تانية واهتمام للاعضاء المحتاجين اهتمام".

وكشف عن خطته الأولى فى برنامج الترشح قائلا: "اول حاجة اننا نزود المعاشات لان مايؤخذ للمعاشات حاليا قليل اوى ان شاء الله ربنا يقدرنا جميعا لو ربنا كتبلنا النجاح اننا نزود المعاشات، لأن حوالى 450جنيه فى الشهر لايكفوا بالمستوى المعيشى حاليا".

وأكد أيضا أن ليس له منافسين لأن بينهم مودة وحب قائلا: "انا مقدرش اقول مين المنافس لانهم زملائى واصدقائى وقبل كده ابو السعود كان اخويا وحبيبى كل اللى بينا احترام بنشتغل مع بعض كل الحب والاحترام ليه وان شاء الله لو ربنا كتبلى النجاح يهمنى الود والحب والوئام يعود مرة أخرى للنقابة".

وأنهى حديثه بخططه فى شهر رمضان قائلا: "بنقضى رمضان فى الصلاة وقرائة القران ومش بفضل الشغل فى شهر رمضان بشوف ان شهر رمضان رحمة ونور ويارب يكون ربنا رؤوف بينا" .