صورة.. الميرغني لشوبير وجمهور الأهلي : أتمنى فوز الأفريقي الشقيق للمرة الثانية

جدد أحمد الميرغني لاعب لزمالك السابق، ووادي دجلة الحالي، أزمة تمنيه فوز الأفريقي التونسي على حساب الأههلي ببطولة الكونفيدرالية الأفريقية.
وقال الميرغني عبر حسابه الرسمي على فيس بوك منذ قليل:" عرفت ان كابتن شوبير جاب سيرتي تاني اول امبارح تقريبا بس كان خبيث و مقالش اسمي الموضوع ده طول قوي و بقي بايخ و انا ان شاء الله هحاول مردش عليه تاني و دي اخر حاجة ان شاء الله هكتبها عليه علشان الحمد لله بدأت التدريب الجماعي مع الفريق و معنديش وقت اضيعه تاني في كلام اهبل بس".
وتابع اللاعب:" احب اشكر كابتن شوبير انه كان سبب فن اني اتسلي في الوقت اللي كنت مصاب فيه و مكنتش لاقي حاجة اعملها خلاص بقي اشتم شويه خون كل ده مش هياكل معايا تاني و مش هرد بس برضه هكتب اللي انا عاوزه محدش ليه عندي حاجة و اخر حاجة كلاكيت تاني مرة نتمني الفوز للافريقي التونسي الشقيق و الله الموفق و المستعان ".
وكان الميرغني قد أثار أزمة مع جمهور الأهلي في مباراة ذهاب دور ال 16 بتمنيه فوز الأفريقي وكررها اليوم للمرة الثانية قبل لقاء العودة.