دلع الرجالة

ازيك يا استاذة نيفين ربنا يخليكي لينا ,
عايزة اقولك انك بتدافعي عن الرجالة كتير مش عارفة ليه واخدة صفهم في مشكلات بتردي عليها .. المهم حابة أقولك ان مش كلهم ازواج كويسين لان جوزي مثلا مطلع عيني شخصية أنانية جدا جدا في كل حاجة وللأسف لانه وحيد اهله مش عايزة أوصفلك الدلع عامل ازاي .. أنا فترة الخطوبة كنت ملاحظة دة لكن قلت المسؤولية بعد كدة هتخليه راجل , لكن الحقيقة انه زاد فيها متخيل لسة انه هياخد الإذن من ماما .. انا خلاص مش عارفة أتعامل معاه إزاي فقدت الأمل .. شكل دلع امه فيه خلاه مش عارف يبقى مسؤول أو مش قادر .. مش عارفة اعمل ايه والخلافات بيننا زادت بشكل ممكن يوصل للطلاق .. ارجوكي عايزة حل أو نصيحة حياتي باظت .
م . أ
فضفضة
محررة الصفحة .. نيفين حجازي
يا أستاذة .. أنا لم أدافع عن الرجال بالمعنى المقصود .. أنا أدافع عن الذي وقع عليه الضرر , بالنسبة لمشكلتك أبدئي بالكلام مع زوجك كي ينتبه أولا أنه هناك مشكلة تسبب فيها .. تكلمي معه بود كي لا تنتهي المناقشة إلى معركة كعادة الأزواج , إسمعي وجهة نظره وإتركي له فرصة يتكلم بإستفاضة ربما تجدي مبررا في كلامه وبعدها إبدئي بتوصيل مشاعرك وتوصيف حجم الخسارة إن إستمر في أسلوبه أو أصر على سلوكه .. ولا تخجلي من شرح مشاعرك الإيجابية تجاهه وانك في حاجة له وأن حياتك بدونه سيئة .. لا يمكن لرجل أن يتجاهل الكلمات الرقيقة .. جربي ولن تخسري بإذن الله .. وقرري أنكما ستأخذان خطوات في صالحكما قبل أن تنتهي المناقشة .
[email protected]