غضب الأم لعنة

مساء الخير , يا جماعة يمكن تكون مشكلتي مش وقتها دلوقتي بسبب ظروف البلد لكن انتو عارفين ان الحياه مش بتقف , انا متجوزة من سنتين من راجل انا شايفاه كويس وهوة كمان بيحبني ومعاملته معايا انا وأهلي ممتازة , لكن فيه حاجة غريبة جدا حاصلة بين جوزي وأمه والحقيقة عشان انا بطبعي مش بحب أدخل بينه وبين اي حد من عيلته فمش عارفة السبب الحقيقي ايه في ان والدته بتدعي عليه دايما وهوة رد فعله معقول جدا , لا بيرد عليها ولا بيتطاول بالعكس انا شايفة معاملته ودوده يبقى ايه اللي ممكن يخلي أم تدعي على ابنها بالشكل ده بالرغم من انه حريص على ودها وزيارتها حاسة الموضوع فيه سر . خايفة من تطور المشكلة وخايفة على جوزي من انه يدخل في ازمة معنوية مع تكرار اللي بيحصل ده وفي نفس الوقت وعلشان معرفش السبب قلقانة يكون هوة غلطان فيها فعلا ومن كسوفع قدامي مش بيرد .. الصراحة انا مضطربة جدا ومش عارفة اتصرف ازاي ؟
ن .ن
فضفضة
مبدئيا لابد وأن تسألي زوجك بلطف عن السبب , ولا تخجلي من السؤال فالأمر مخيف , حاولي أن تكوني سر زوجك وملجأه ادفعيه بكلام حنون لأن يحكي لك الحقيقة فالخوف حقا من معاشرة زوج أمه غاضبة عليه لا قدر الله , وإن لم يكن هكذا إذن الأمر لم يخرج عن أن الأم تعاني من إضطرابات نفسية نتيجة نشأتها أو مشكلة متعلقة بشكل حياتها الزوجية مع والد زوجك فكثيرا من النساء يلجئون للعنف أو يسيئون معاملة أبنائهم بسبب سوء علاقتهم بأزواجهن أسمع الكثير عن هذا , في النهاية قومي بالمحاولة وشاهدي النتيجة فإن كان الأمر مجرد أم في حالة من الإضطراب النفسي فالأمر هين وادعي لها واقترحي على زوجك الذهاب بها الى طبيب , أما لا قدر الله ان كان السبب يعود لمعصية زوجك أمه فلم أوصيكي بواجب الزوجة الصالحة في مثل هذا الموقف , في كل الأحوال جزاك الله خيرا على حسن نيتك تجاه الطرفان .
نيفين حجازي