ست الكل.. بقلم: خالد هيرو

عن الحلوة و ست الكل
عن الفايحة روايح فل
عن الخجلانة ف دموعها
فتضحك رفضة كلمة ذل
يا كايدة جمالهم الغربى
بقدسية سمار لونك
ونقشة الحب ع قلبى
فحالف انه مايخونك
يا رافضة يكشفك غيرى
و لسه عشانى بنت بنوت
و احجز تذكرة تغيرى
فأحجز فيكى انتى تابوت
مهو حبك اصله دا عادة
وموتى فيكى دى عبادة
ولو صارت ملامحك كهل
هحبك بردو بذيادة
يا سلطانة هذا العصر
وتاج ملكة جوارى القصر
دا جمالك خلى اعدائك
يغنو ف حبك تحيا مصر