فرج فوده

حياته
اتشهر فرج فودة بمقالاته الحادة اللي انتقد فيها التطرف الاسلامي و عارض فيها الدولة الاسلامية و طالب بوقف سلطة رجال الدين على الدولة خاصة الشئون الدنيوية.
فرج فودة اتميز بالذكاء الشديد اللي مكنه من انه يعارض الفكر اللي بتقوم عليه نظريات الجهاد و خصوصا صراعه مع الغزالي و محمد عمارة وعبد الحميد كشك اللي كفروه على الرغم من انه في كل كتبه و مقالاته كات بيأكد اسلامه و كان بيقول ان صراعه مع الاسلاميين صراع سياسي مش صراع ديني.
وكمان صراع مع الشيخين صلاح ابو اسماعيل وعمر عبد الرحمن المسجون دلوأتي في امريكا.
كمان صراعات مع كتير من الكتاب الاسلاميين في مصر زي فهمي هويدي. وعارض جامد افكارهم اللي بتدعو لاقامة دولة مش علمانية في مصر.
اغتياله
الساعة سبعة الا ربع و هو خارج من مكتبه في مدينة نصرو معاه ابنه الصغير وواحد صاحبه, هجم عليه اتنين من الجماعة الاسلامية راكبين موتوسيكل و فتحو عليه النار من رشاش آلي و بعديها اتنقل للمستشفى و مات بعديها بست ساعات. الشيخ الازهري محمد الغزالي اعلن ان قتل المرتد مش غلط و قال ان قتل فرج فوده هو تطبيق لحد القتل للمرتد لان الامام فشل في تطبيقه.
كتبه
الحقيقة الغائبة: الكتاب ده بيعرض لتاريخ الخلفاء والخلاف السياسي اللي ادي لكتير من العنف والخلل في الدوله ومشاكل الخلفاء وعمالهم. وهو من اشهر كتبه للي بيميلوا للقصص في عرض الحقيقة
زواج المتعة: الكتاب ده بيعرض وجهات نظر المذاهب سنه وشيعه بشكل حواري وعشان كده الكتاب ده بيعتبر جرئ لانه بيروح لمنطقة شايكة في الحياة الإجتماعية.
حوارات حول الشريعة
الطائفية إلى أين؟
الملعوب: دا كتاب اقتصادي بيبين اسلوب ادارة شركات توظيف الاموال ايام ما كان النشاط ده رايج مع الناس.
نكون أو لا نكون
الوفد والمستقبل
حتى لا يكون كلاما في الهواء
النذير: ده كتاب فيه دراسات وخطط عملة للدولة المصرية وبينذرها الراجل من انها لازم تقاوم الارهاب
الإرهاب
حوار حول العلمانية
قبل السقوط: من اشهر كتبه وبيناقش اية اللي ممكن المجتمع يوصله لو مفيش دولة مدنيه
شوف كمان
خليل عبد الكريم
أحمد صبحى منصور
سيد القمنى
على عبد الرازق
فرج فودة
طه حسين
جمال البنا