عقيد لقافلة "غزة": أمامكم 10 دقائق للعودة وإلا

هدد ضابط بالجيش المصري، نشطاء قافلة ثوار مصر، المعتصمين أمام كمين بالوظة، بعد رفضهم العودة إلي القاهرة، وإصرارهم على دخول قطاع غزة.

وروي الكاتب الصحفي تامر أبوعرب، تفاصيل رفض قوات الجيش دخول العريش، موضحًا: فضلوا لاطعين الناس ساعتين في الشمس وبعدين طلبوا من المنسقين ياخدوا الاتوبيسات ويرجعوا لأنهم مش هيعرفوا يأمنوا الاتوبيسات ولا المساعدات لحد معبر رفح".

وأضاف أبوعرب: الناس اتفاوضت بكل هدوء وعرضوا توقيع قرارات بمسؤولية كل شخص عن سلامته، فجأة العقيد اللي في الكمين احتد علي الناس جدا وجاب خالد علي قال له قدامك مهلة 10 دقائق تصرف الناس وإلا هنصرفهم بطريقتنا، فرد خالد الموضوع محتاج شوية وقت عشان الناس تقعد مع بعض وتقتنع راح العقيد قايله طب مفيش مهلة 10 دقائق وكله يرجع دلوقتي، وعلي الفور أعطى العقيد امر الجنود يرفعوا اسلحتهم ويفضوا الناس فالشباب وقفوا وقفة جامدة وتراجع الجنود عملوا صف بس يقطع الطريق واستمر الشباب في الهتاف.