بالفيديو.. السيسى ل"المصريين بالخارج": "مش هقولكم انتخبوا مين.. المهم تحمل المسئولية

طالب المشير عبد الفتاح السيسى، المرشح لانتخابات الرئاسة، المصريين بالخارج، بضرورة تصويتهم فى الانتخابات، وذلك بالتزامن مع انطلاق التصويت للمصريين المقيمين فى الخارج فى الساعات الأولى من صباح اليوم الخميس.

وقال "السيسى"، خلال الفيديو الذى بثته صفحته، "لكل مصرى ولكل مصرية إنتوا سيبتوا وطنكم عشان تجروا على لقمة العيش وعشان تعيشوا وتعيشوا أسركم وده أمر مقدر".

وأضاف المرشح الرئاسي، "أنتم رواد فى التحرك مش هقول المغامرة، والخروج من مصر من أجل هدف نبيل وهو العمل، بتمنالكم كل التوفيق، مطلوب الناس تنزل وتدلى بصوتها".

واختتم السيسي، قائلاً: "مش بقولكم كده عشان تصوتوا لحد بعينه، ولا يليق بحد مصرى إنه يوجه حد، لكل مصرى شايف إن عليه مسئولية يتحرك ويختار ما يشاء لكن هو بيختار عشان خاطر وطنه، بتمنى ليكم ولأسرتكم كل الخير والسلام، وأتمنى إن ربنا يعينكم على كل خير".