ب19 سؤال..آسف ياريس : نكسة دي ولا ثورة ؟

طرحت صفحة أنا آسف ياريس علي موقع التواصل الاجتماعي فيسبوك، مجموعة من الأسئلة تحت عنوان " بالله عليك إنت تسمي دي نكسة ولا ثورة أنا راضي ذمتك يا شيخ !؟".

وأضافت الصفحة المؤيدة للرئيس الأسبق حسني مبارك خلال الاسئلة : تسأل فنان يقولك الفن باظ ومفيش أفلام ولا إنتاج كويس ، تسأل مغني يقولك وانا أنزل شريط ومفيش حد ليه مزاج يسمع ، تسأل لاعب كورة يقولك النشاط واقف وكده كده بنخسر.
وتابعت : تسأل موظف يقولك مفيش نظام وكل حاجه حولينا خربانه ،تسأل شيخ يقولك ولا بقي فيه أحترام لعمة ولا مشيخة ، تسأل قاضي يقولك عليه العوض القضاء الشامخ إتهان وأتشكك فيه ،تسأل شهيد يقولك هو أنا أصلا مت علشان أيه !؟، تسأل طفل يقولك أنا بخاف يا عمو ومش عارف ألعب ف الشارع.

وأردفت الصفحة : تسأل أم تقولك كنت بخرج وأرجع براحتى دلوقتي مقدرش وبخاف ،تسأل فقير يقولك ضحكوا عليه كنت باكل ودلوقتي مش لاقي أكل ،تسأل بتوع السياحة يقولك بقالنا 3 سنين مفيش سياحة ولا شغل، تسأل النكسجية يقولك الثورة محققتش أهدافها والبلد حالها زفت ،تسأل إخواني يقولك زي ما كسرتونا هنكسركوا وعلينا وعلي اعدائنا ، تسأل ظابط شرطة يقولك بروح شغلي وأنا عارف إنى مش راجع .

وتابعت الصفحة : تسأل ضابط جيش يقولك قبل يناير كنا مرتاحين وبقالنا 3 سنين بنموت بس ،تسأل الفلول يقولك من أول يوم حذرنا ومحدش سمع الكلام ولا يوم من أيامك يا مبارك البلد باظت بعدك !،تسأل أخواتنا العرب يقولولك مصر كانت أم العرب وبعد يناير أتفرقوا العرب، تسأل مسلم مسيحي ليبرالي علمانى كبير صغير مدني عسكري ،يقولك مصر فى خطر مصر بتضيع مصر ربنا يستر عليها !

واختتمت : تسأل إسرائيل وأمريكا وقطر وتركيا وكل اعداء مصر يقولك والله كثر ألف خيركوا عملتوا اللى منقدرش نعمله بالسلاح والطيران والمدافع والنووي !.