مراتي طلعت شمال يا بشر

هموت من الغيظ والقهرة .. مراتي طلعت شمال مراتي طلعت شمال يا بشر عقلي هيشت .. مراتي دي كانت مضيفة طيران وكان شرطي عليها قبل الجواز أنها تسيب الزفت الشغل والمصيبة أنها وافقت طيب لما هية اللي فيها فيها بتتنيل تتجوز ليه ما تخليها ماشية على كيفها وكنت إنا نفدت من الجوازة الهباب دي !!!!!
عموما ندب الحظ مالوش معنى دلوقتي والمصيبة أن انا عندي منها بنت صحيح لسة طفلة لكن بكرة تكبر وتتعاير بعمايل أمها .. من كام يوم شكيت في اتصالات الهانم مراتي وبعد ما تتبعت المكالمات بكتير من الحيل والألاعيب اكتشفت أنها على علاقة بواحد لكن الصراحة مش عارف هل فيه حواديت بينهم ولا دي صدفة ولا بتكلمه لغرض معين الله اعلم لكن انا كمان غيور جداً بطبعي وهية فاهمة ده كويس .. طيب ليه ما صارحتنيش ليييييه وانا قاعد دلوقتي زي خبيتها ومستني الفرج مش قادر اصارحها لا يطلع الموضوع كفتة ولا قادر اسكت وفكرة الطلاق مسيطرة على نافوخي طول الوقت وهمووووووت أرجوكم الحل قبل ما أصور قتيل .

فضفضة
محررة الصفحة .. نيفين حجازي
يا أستاذ حضرتك منهار وهتموت على حد قولك من قبل ما تتأكد من صحة الموضوع وفي الآخر ممكن يطلع الموقف فيه مفارقة وتطلع زوجتك بريئة من كل ده .. اهدأ شوية الموضوع يخلص بالمواجهة لكن لازم تكون هادي علشان لو طلع مفيش مشكلة أساس تصرفك هيعمل شرخ كبير بينكم .. أرجوك .. المواجهة وبراحة أرجوك

[email protected]