مش واثق في نفسي

السلام عليكم .. أنا عندي 19 سنة، مشكلتي إن شكلي مش حلو للدرجة، وأنا باتضايق منه كتير لما بابص في المراية، المشكلة الأكبر إني تعرفت على بنات كتير،
بس مش حاسس مع أي واحدة بالحب أو الشوق اللي بيقولوا عليه في الحب؛ يمكن علشان مش مميزات البنت اللي أنا باتمنّاها أو يمكن باختار ساعات البنات الغلط ..هل أنا صح ولا غلط إني معلقهم معايا ومش حاسس معاهم بأي حالة حب؟ وبرضه مش عايز أسيب أي حد فيهم، علشان أرضي نفسي كشاب زي الشباب التانية وأعوض عن شكلي، ومشكلتي النفسية في شكلي؛ لأني ساعات والله باقول لنفسي إنه حرام على أي بنت تتعرف عليّ وتتظلم معايا، وفيه ناس أحلى مني بكتير.. أرجو الرد أرجوكم.
فضفضة
طبعا انت مخطئ في حق أي فتاة .. وليس من المفترض أن نتلاعب بمشاعر الآخرين كوسيلة لحل مشكلاتنا , أزمتك الحقيقية ليست في شكل وجهك كما تصورت .. لذلك أصحك بالذهاب إلى طبيب أمراض نفسية أو حتى طبيب في علم الإجتماع وداخل عيادته ستتعرف على نفسك من جديد وبشكل صحيح وبالتأكيد ستتغير نظرتك تماما تجاه كل شئ , حاول الإسراع في هذا فأنت الخاسر كلما تأخر بك الوقت .
نيفين حجازي