الراجل ما استحملش !

صباح الخير
انا عروسة جديدة بقالي اربع أيام .. وفي ليلة زفافي بعد ما روحت انا وجوزي بيتنا طلبت منه يشيلني لغاية غرفة النوم .. كان نفسي طول عمري لما أتجوز جوزي يشيلني زي الأفلام القديمة الجميلة لكن انا عشان وزني زيادة وجوزي جسمه قليل بعد يا عيني ما حاول يشيلني كذا مرة وجه على نفسه جاله فتق قربي وهوة دلوقتي في الام رهيبة ومحتاج جراحة وبدل ما نقضي شهر عسل هنقضيه في المستشفى .... انا مضايقة من نفسي وحاسة بوجع ضمير وهوة لسة بيجامل فية خصوصا بعد ما الدكتور سأله انت بتشيل حاجات تقيلة فرد عليه وهوة محرج لا يا دكتور مش متعود على شيل تقيل لكن كنت بحاول انقل عفش البيت من مكانه فالظاهر جسمي ما استحملش .. ومن ساعتها وأنا بعيط ومضايقة ومش عارفة اعتذر له أزاي !!
ن . ل

فضفضة
محررة الصفحة .. نيفين حجازي
اعتذر لك صديقتي عما انتي وزوجك به .. و ليس كل ماهو داخل الأفلام العربي القديمة الجميلة يصلح ان يحقق اسمحيلي .. عموما .. سلم الله زوجك المسكين وفي رأيي الاعتذار المناسب ان تهتمي بوزنك ليكون انسب اعتذار لزوجك شفاه الله وعافاه .
Fadfada@elfagr.org