انا محرج بجد لكن اسف اذا كانت مشكلتي محرجة شوية بس مش لاقي مخرج منها .. فكرت كتير و ماوصلتش لحل و ما سالتش اصحابي لأنهم عيال بجحين شوية .. المشكلة في جملتين ان انا متجوز من ثلاثة اشهر واتفاجئت بطلبات من مراتي .. صحيح انا عندي فكرة عن الطلبات طبعا لكن مشكلتي اني بقرف ومش متخيل اني اعمل لها أو فيها كدة وهية بتقول لي ان ده عادي .. ماشي انا عارف انه عادي لكن انا مش متعود .. ومحدش يفتكر اني خام الموضوع مش كدة لكن انا لية حدود في طريقة التعامل مع الستات ومش بحب اي حاجة وخلاص , ومش قادر افهمها الحكاية دي ودايما مستغرباني وبتتهمني باني مش بحبها .. هوة انا لازم احبها كدة ؟ ما ينفعش نمشيها احبها بلدي ؟! بالطريقة التقليدية ؟؟! انا مش عارف فاهمني ولا لأ لكن مش هقدر اوضح اكتر من كدة يا جماعة انا اصلا محرج من القرف دة لكن مضطر بقى .. المهم .. ياريت حد يفيدني بنصيحة لأن اعتقد ان المشاكل اللي من النوع دة ممكن تؤدي الى طلاق والله اعلم .. لأن فيه اصحاب لية كتير معظم مشاكلهم بدأت بسبب علاقتهم الخاصة اكتر من المشاكل اليومية العادية او المادية .. وشكرا . ع . ع