أنا متجوزة من كتير ومش عارفة استحملت ازاي !! مش مهم ... المهم دلوقتي اني وصلت لنتيجة ان مشروع الجواز بجد نظام اجتماعي ضايع واقع وكمان محرض على الفساد .. هشرح ليه ..... لما اكون متجوزة غضنفر محسوب علية راجل قدام كل الناس وكل أهلي وفي الاخر ما باخدش منه غير امارة وتحكمات ومش عاجب ده غير انه مش سادد في حياتنا الخاصة اللي اذا فشلت بيبقى الراجل خلاص ملوش واسطة وفي الحالة دي بقى الواحدة تبدأ تحلم أحلام اليقظة اللي فيها الراجل المناسب الراجل بجد بالمواصفات المطلوبة ... اليومين دول بقالي كتير بسمع قصص جيران لية وأصحاب الغريبة ان الكل شكوتهم واحدة وهية ان الرجالة بقت ملهاش لازمة ومش شايلين مسئولية ولا عايزين يشيلوها اساسا ... ماتفهموش بقى دول رجالة زهقانة ولا مكتئبين ولا همة اصلا غلسين !! اتولدوا كدة .. أنا مش بقول ان الستات فلة يعني بس الدنيا كدة وكدة شوية عليه وشوية علية لكن مش كله علية تبقى مصيبة ..... لا ومش عاجب ... المشكلة دلوقتي لما الواحد يوصل لنفس النتائج اللي بيوصلها وهوة فرضاني يبقى بنتنيل نتجوز ليه !!! عشان نجيب وجع القلب لاهالينا وخلاص ؟ يبقى بلاها جواز والواحد يشوفله شغلانة تلهيه عن القرف ودمتم .... السلام عليكم