مساء الخير فضفضة .. مشكلتي أنا متزوج من حوالي سنتين او تلاتة مش فاكر .. المهم بصراحة ومن غير لف ودوران أنا بمارس الجنس على النت مع بعض الصديقات همة مش صديقات بالمعنى لكن همة بتوع كدة بس بكلمهم في الضرورة .. بصراحة أنا عارف اني راجل شمال
والبنات اللي بقابلهم على النت شمال اكتر مني وابتديت كمان احس بملل ومراتي ست كويسة لكن تقليدية .. شوية احس بالخيانة وشوية احس ان ده عادي او ان مراتي تستاهل يتعمل فيها كدة لانها مش مهتمة بنفسها بالدرجة اللي بحبها وكلمتها كتير على فكرة بس هية مش ظابط معاها الجو ده بصراحة ومن غير إحراج أنا بحب الست تكون شمال ..
وطول عمري عايش حياتي معرفش اتجوزت ليه ... هوة كله من أبوية فضل يزن أتجوز أتجوز قبل ما أموت نفسي اشوفلك عيل .. اهو بكابته مات وورطني لا شاف عيل ولا غيره وانا اللي لبست في حيطة .. الخلاصة عشان ما اطولش أنا مش مرتاح أوي في الجو الهوائي اللي أنا عايشه وفي نفس الوقت مش هبطل ..
يمكن أنا محتاج احب فعلا ؟؟ خدوا بالكو أنا مش متجوز مراتي عن حب كانت جوازه من اختيار ابويا الله يرحمه ويسامحه .. فكرت في الطلاق لكن الست صعبت علية ملهاش ذنب برضه خليني واضح ... مش عارف انتوا نصيحتكم ايه ؟ حسام