أحمد حسن راؤول يكتب| لعبة نظر: فوز مرسي..الوقيعة..أخونة دولة..براءات الجميع..شيلوه..مفيش ثورة

استغرب الجميع عندما فاز الدكتور محمد مرسي برئاسة الجمهورية, ولم يتوقع أي مواطن مصري أن يصدق "العسكر" في إنتخابات نزيهة شعبية مهيبة ولكن ..

لماذا ترك "العسكر" الدكتور محمد مرسي يفوز بالإنتخابات وهم يعلمون أنه سوف يقيلهم ويحاكمهم هم ونظامهم؟!

لأن اللعبة أكبر مما في خيال أي مواطن عادي , أو خيال الإخوان أنفسهم, اللعبة هي الإنقلاب على الثورة ولكن بطريقة جديدة لم تحدث في العالم قبل ذلك ..

وهذه خطوات اللعبة التي بدون قواعد شريفة:

- أسقطوا حمدين وأبو الفتوح مرشحي الثورة الحقيقيين –بالنسبة للشعب-.

- فاز محمد مرسي المرشح الذي عصر الكل على نفسه "لمونة" ولكن لا بديل لأن التاني "فلول".

- خلّي مرسي "يعيشلوا يومين" .. ونبان شرفاء سلمنا البلد لسلطة مدنية ونخرج خروج آمن .. كده كده القضاء تبعنا.

- ساعة الصفر .. "خرّج تعابينك" : إعلام – مظاهرات- سرقة- فساد مؤسسي- لجان إلكترونية .. إيه ده باظوا ال100يوم .. يسقط مرسي .. مرسي الخاين.. تيييت مرسي .. الإخوان باعوا البلد.. الإخوان مسكوا البلد.. مليونيات .. مش عاوزينك .. يسقط حكم المرشد .

- لجان إلكترونية توقع بين الإخوان والشعب وتنشر إن الإخوان بيشتموا حمدين والبرادعي "محبوبي الشعب" .

- المحاكمات شغالة: براءات براءات .. ده اللي مرسي وعدنا بيه ؟ .. مرسي: إقالة النائب العام.. التعابين: الفاسد عاوز يتدخل في سلطة القضاء.. مرسي : أحترم القضاء .. التعابين"التانيين": مرسي الضعيف رجع في كلامه.

- المواطن البسيط صدّق .. والتابع مشي ورا اللي بيحبوا .. والفاهم مبقاش عارف الصح فين , مشي مع الكترة –إلا القليل- .. كأنك "بتزنّ" بأغنية هابطة على القنوات كل دقيقة "فخدت الودن عليها" وحسيت إنك حبيتها, والزنّ عالودان أمرّ من الإنقلاب الصريح.

- يظهر الشخص "المتدكّن" محمد أبو حامد .. مليونيات مليونيات .. نتحالف لنسقط الإخوان .. أمد إيدي لحمدين والتيار الشعبي بس الإخوان يتشالوا .. أخونة الدولة يا حمدين .. أخونة الدولة ياشعب.

- باظت البلد .. مفيش شغل .. مفيش تقدم .. مفيش حلم .. مفيش ثورة .

أنا لا أنكر أخطاء الرئيس مرسي, ولكنه أول رئيس منتخب .. ولا تعرفون أنه إذا تم إسقاطه فلن تعيش مصر مرة أخرى , فستصبح عادة أن الصندوق ليس مقدس وأن كل من لا يعجبه رئيس "ينزل يشيلوا" .. وتنتشر الفوضى ..

فاز مرسي يشيلوا التيار الشعبي .. فاز حمدين يشيلوا الإخوان .. ونظل هكذا حتى تموت مصر وهذا ما يريده أبو حامد وأمريكا واليهود والنظام السابق وغيرهم ..

من يهدمون مصر من أجل أن نترحم على نظام مبارك .. سيجعلوننا نترحم على مصر كلها ..

ومن يتحالفون مع الفلول من أجل هزيمة الإخوان .. يبقا مفيش ثورة