ابلغ عن جوزي؟

نيفين حجازى
مساء الخير
أنا في مصيبة ارجو مشاركة كل القراء في حلها او نصيحتي وبسرعة ،، أنا زوجة بقالي 13 سنة واولادي كبار طبعا اكتشفت بالصدفة ان جوزي بيعمل عمليات سمسرة في شغله اللي الناس بتسميها اكرامية ،، هوة شغال في شركة كبيرة ليها سمعتها واسمها وهوة في مركز ممتاز ولسوء حظه واحدة من زوجات عملاء الشركة ( مقاولات) صديقة لية وحكيتلي الموضوع على استحياء قالت ؛ جوزك أخد من جوزي خمسين الف جنيه مقابل تسيير مصلحة او ورقة معينة بصراحة أنا مافهمتش ايه نوع المصلحة من خضتي وكسفتي من الموقف والمصيبة الاكبر انه بعد ما أخد الفلوس المصلحة ما مشيتش والحجة كانت خيبانة جداً ونفس الصديقة اكدتلي على ان تصرف جوزي اتكرر وهية تعرف زوجات الناس الباقية اللي اتعمل معاهم كدة .. بحكم انهم في السوق وليهم علاقة بتجارة جوزها .. دلوقتي أنا مش عارفة أتصرف ازاي .. ده جوزي وأبو اولادي وفضيحة وفي نفس الوقت الأمانة تخليني ابلغ عنه دي شركة بتتنهب او على الاقل برضيع سمعتها بسبب بني ادم فاقد الأمانة والإحساس بالمسئولية ..
ن. ا