مؤلف "سر علني" يبتعد عن الدراما لهذا السبب .. !

قرر السيناريست محمد ناير الابتعاد عن الدراما التليفزيونية لفترة فى مفاجأة منه للجميع بعد مشاركته هذا العام فى دراما رمضان بمسلسلين هما "فيرتيجو" ل هند صبرى والثانى "سر علنى" ل غادة عادل ، وأرجع ناير سبب الابتعاد الى أحد الموظفين ، حيث كتب على حسابه بموقع تويتر : "اصعب احساس انك تشتغل سنة بحالها و تحاول تحترم الناس و يجي واحد قاعد على مكتبه في نص ساعة بجرة قلم يهينك بدون وجه حق لان مزاجه كده ، امثال الناس دي بيكرهونا في الشغل و بيخلوا اي حد عاوز ينجح يشتغل بره و يقبل العروض كلها اللي قدامه و في النهاية يفضل المبتذل في مصر" .

وتابع :" للاسف الشديد انا كنت متوقع ده، السنة اللي فاتت محدش اتكلم لانها كانت مفاجأة السنادي الناس مستخسرة الواحد ينجح سنتين ورا بعض كانه حرام ، و بسبب ده انا فعلا خدت قرار الابتعاد عن الدراما المصرية و الاتجاه للتعاون العربي المشترك، غالبا لن اقدم عمل تلفزيوني رمضان المقبل" .

يذكر أن ناير قدم على في رمضان 2011 مسلسل "المواطن X" وفي 2012 قدم عملين هما "فيرتيجو" فأعاد معالجتها دراميا وكتب لها السيناريو والحوار وكتب مسلسل "سر علني".