إجري طلقها بسرعة

السلام عليكم ورحمة الله , مشكلتي تتلخص في صفة الكذب اللي لازمتني من ساعة ما اتجوزت , انا متجوز من حوالي اربع سوات ومراتي شكاكة بطبعها وغيورة جدا جدا حتى من اختها , في اول جوازنا كانت بتشك فية ومكنتش بعمل حاجة فعلا انما دلوقتي قلت شك بشك خلاص هعيش حياتي وتولع هية بقى بغيرتها دي , حياتي قلبت غم وضلمة من كتر الخناقات وبفكر جديا اطلقها وعلى فكرة الحمد لله ربنا ما اردش لينا انجاب اطفال لحد دلوقتي فقلت يمكن دي اشارة من ربنا علشان اشاور عقلي واطلق , لكن شوية من اصحابي نصحوني باني استحمل واحاول اتفاهم معاها من جديد وشوية تانيين قالولي يا بختك ما عندكش عيال ودي فرصة عمرك يا واد اجري طلق بسرعة , الصراحة انا محتار لأن أصلا إحنا متجوزين ع قصة حب طويلة ويعز علية نوصل للدرجة دي بس مش قادر استحمل غم على طول الموضوع بقى دمة تقيل , ياترى ممكن يكون الحل ايه ؟
أحمد
فضفضة
محررة الصفحة نيفين حجازي:
الحل يا صديقي بسيط جدا , إعادة صياغة الحياة مرة أخرى , تكلم مع زوجتك و ذكرها بقصة الحب الجميلة المهددة بسبب شكها وغيرتها , كن هادئ وحنون معها وتخلص من الكذب ومن وجود اي علاقة بأخرى وسيساعدك في هذا حبك لزوجتك كما تفضلت وقلت , صدقني عندما تشعر زوجتك من جديد انك مهتم بإعادة العلاقة كما كانت عليه بأول زواجكما سيختلف الأمر كثيرا .. ونصيحة مني في السر .. كل النساء تنهار أمام كلمة طيبة في حضن زوج حنون .. تفاءل واستثمر الموقف لصالحك وبسرعة .