أيمن بهجت قمر يهاجم صانع فيديو اتهم الدكتور أحمد حرارة فاقد عينه بأنه يرى

انتقد أيمن بهجت قمر، كاتب الأغانى المعروف، أحد الأشخاص الذى صنع فيديو اتهم فيه الدكتور أحمد حرارة بأنه يرى بعينيه، على الرغم من فقد عينيه فى يومى 28 يناير و19 نوفمبر الماضى فى أحداث محمد محمود.

وقال قمر على حسابه الشخصى على فيسبوك " أنا شايف بعض الزملاء بيقولوا إن الفيديو ده بيثبت إنه بيدعى العما وبيتريقوا انه خد 20 ألف جنيه! وده لو بره ماكنش هياخد قد كده أضعاف؟!

وبعدين الأهبل اللى عامل الفيديو ( اللهبل ده أنا عارفه على فكره) بقول له يا اهبل ياللى بتعايره انه خد ال29 ألف التعويض من الحكومه هو مش اكيد عملوا ليه كومسيون طبى؟! وللا الحكومه والجيش بيعملوا أفلام هما كمان!! ده إن الحركة اللى حصلت فى الفيديو ده حركه عاديه مافيهاش أى دلاله إنه بيشوف وخصوصا انه ما اتولدش اعمى ده كان لسه بيشوف لحد قريب .. اتقوا الله عندنا عيال ان بعض الظن اثم ( يا اهبل يا اهبل يا اهبل ).