ضحية سامر المدني مطرب المهرجانات: ضربوني وصوروني عريان علشان يكسروا عيني| تحقيقات

حصل صدى البلد على نص تحقيقات النيابة العامة في قضية اتهام مطرب المهرجانات الشهير سامر المدني، في القضية التي حملت رقم 19123 لسنة 2022، جنايات الطالبية، والمُقيدة برقم 3489 لسنة 2022، كُلي جنوب الجيزة، بتهمة خطف وهتك عرض وضرب وحيازة سلاح أبيض وشومة، ومن خلال التالي ننشر أقوال المجني عليه محمد عباس في القضية.
متقولوش لأمنا.. إحالة أوراق الأشقاء الأربعة للمفتي لإعدامهم في قتل زوج شقيقتهم
السجن 3 سنوات لمطرب مهرجانات شهير و2 آخرين بتهمة الخطف وهتك العرض
أقوال المجني عليه
وقال المجني عليه في أقواله:" اللي حصل إنى امبارح روحت عند بيت عمرو عشان اعرف عنوانه وعشان في واحد قريبي ويبقي طليق مراته قالي اعرفلى عنوانه وانا فعلا روحت عند بيت عمرو عشان اعرف العنوان علشان يعرف مكان ولاده عايشين فين جه عمرو شافني حاول يخبطنى بالعربية وراح نازل من العربية فاتح مطوه وجري ورايا خلى الناس اللي عنده في الشارع تمسكني وفضلوا كلهم يضربوني وجروني على الأرض وقلعوني البنطلون و جرجروني لحد ما طلعوني المكتب بتاع عمرو وقلعوني بقيت هدومي وحاولوا يقلعوني البوكسر بس انا اعدت اعافر معاهم عشان مقلعوش وفضل عمرو وسامر ومحمد اخوه والناس اللي تبعهم يضربوا فيا بالشوم والكاتر ويشتموني وصوروني بالموبايل ونزل بيا على القهوة وطلب منى أمسح جزمته قدام الناس بس انا رفضت قام ضربني و قال أمسح الجزمة "يا ابن .. "و فضلوا خطفني ومحتجزني عندهم من الساعة 8 مساء حتى الساعة 2 صباحاً وبعد كده راحوا طالعين بيا على القسم وقالوا هناك ان انا كنت جاي اخطف مريم بنت مراته واني هددت اهل بيته واتهجمت عليه وبعتلهم شتايم على الواتساب روحت انا حاكي للظابط على اللي حصل واللي عملوه فيا وجابونا النهاردة على النيابة".
وأضاف المجني عليه في أقواله:"الكلام ده حصل فجر يوم الجمعة 2022/8/12 حوالي الساعة 8 الصبح في شارع السلام العمرانية الغربية، وهما قصدهم يخطفوني و يعورني، وهما كانوا عاوزين يصوروني وأنا عريان ويمسكوها عليا زله عشان يعيروني بيها بعد کده، وأنا كنت رايح عشان اعرف مكان سكن عمرو ده عشان أقول لخالد قريبي عشان يشوف ولاده، وعمرو ده اول ما شفنى فتح مطوه بس في واحد من الناس اللي في الشارع مسك ايده واخدها منه فقام نازل فيا ضرب بالبوكسات في وشي وبعد كده الناس اتلمت وكله كان بيضرب فيا وانا معرفتش اشوف حد من كتر الضرب وسامر عمرو محمد قام ضربني بعصاية حديد صغيرة ولما اخدوني المكتب عمرو وسامر قعدوا يضربوا فيا وكان في ناس كتير موجوده وكلهم كانوا بيضربوا فيا بس انا معرفش حد فيهم عشان دى اول مره اشوفهم، وهما عمرو محمد رمضان وسامر عمرو محمد رمضان ومحمد عمرو محمد رمضان وناس تانيه کثير بس انا معرفش عنهم اى حاجه، وهما خطفوني وفضلوا يضربوا فيا من الساعة 8 مساء حتى الساعة 1 صباحاً لحد ما اخدوني على القسم، وضربوني على دماغي وقفايا وتحت عينى الشمال وفوق حاجبي اليمين و تحت عينى اليمين وفي ايدى كلها جروح وخدوش".
وأوضح المجني عليه/ المتهمين كان معاهم مطواه وشوم كتير وكان في واحد بيضربني بالازاز على دماغي، وهما كان قصدهم يعوروني ويكسروا عيني وخطفوني واتعدوا عليا بالضرب وقلعوني هدومي، وحاولت استغاث بالناس أول ما عمرو جري ورايا طلعت اجري وأصوت في الشارع عشان الناس تلحقني ولما مسكوني وقعدت أصوت في الشارع بس لما أخذوني في الشقة ولما كنت بحاول اصوت او استغيت بحد كانوا بيزودوا الضرب فيا قمت ساکت ومعملتش صوت تاني لما فقدت الامل ان حد يوصلى او يساعدني، وكان في خلاف من حوالي ثلاثة شهور مع المتهمين، وعمرو محمد رمضان كان جبني عنده المكتب وقالي هصورك فيديو وانت بتشتم خالد وكان عايزني ابلغ عنه انه بيشرب مخدرات بس انا رفضت عشان هو راجل محترم".
الحكم على المتهمين
وكانت قد قضت محكمة جنايات جنوب الجيزة، برئاسة المستشار مجدي أحمد مصطفى، وعضوية المستشارين سعيد أيوب يوسف، وسامح رمزي، وإيمان الإمام على، بمعاقبة المتهم سامر المدني مغني المهرجانات الشهير، واثنين آخرين، بالسجن 3 سنوات، بتهمة الخطف وهتك العرض والضرب، وحيازة سلاح أبيض وعصا خشبية "شومة".
أحيلت القضية المتهم فيها مغني المهرجانات سامر المدني، والتي حملت رقم 19123 لسنة 2022، جنايات الطالبية، والمُقيدة برقم 3489 لسنة 2022، كُلي جنوب الجيزة بتهمة خطف وهتك عرض وضرب وحيازة سلاح أبيض وشومة، والمتهم فيها 3 متهمين من ضمنهم المتهم سامر عمرو محمد 17 سمة، وشهرته سامر المدني، مغني مهرجانات على مواقع التواصل الاجتماعي.
وجاءت بداية الواقعة بالقبض على سامر المدني عندما توجهت سيدة إلى قسم الشرطة لتحرر المحضر اللازم، تتهم فيه المطرب سامي المدني ووالده بتعديهما بالضرب على شقيقها، وكذلك احتجازه وتعذيبه وتجريده من ملابسه بسبب خلافها مع والد المطرب.
وقالت المجني عليها في أقوالها، إنها تزوجت من والد سامر المدني مطرب المهرجانات، وأخفى زواجه منها عن زوجته الأولى ووالدة المطرب، إلا أن الأمر انكشف وعلمت الزوجة الأولى بواقعة الزواج الثانية، وشك والد المطرب في زوجته الثانية.
وأضافت المجني عليها، أنه وبعد شك والد المطرب خطف شقيقها هو ونجله تعديا عليه بالضرب والسحل، وتجريده من ملابسه وكذلك تصويره، ونشر مقطع الفيديو على نطاق ضيق في الأسرة، وهو ما تسبب في غضبها.