ميرنا وليد تدعو إلى الرفق بالحيوان في عيد الحب

قررت الفنانة ميرنا وليد، الاحتفال بعيد الحب هذا العام بشكل مختلف، حيث شاركها الاحتفال 4 كلاب وقطة دعوة منها إلى الرفق بالحيوان والنهي عن تعذيب المخلوقات الضعيفة.
وأعربت ميرنا وليد عن استيائها من ما يفعله بعض الناس مع الحيوانات من تعذيب وإيذاء، وقالت عبر صفحتها الرسمية على موقع التواصل الاجتماعي فيسبوك: "مما لا شك فيه أن ربنا سبحانه وتعالى فضل الإنسان على باقي المخلوقات ولكن منظر موجع بجد لما تشوف أطفال وساعات للأسف شباب بيعذبوا حيوانات صغيرة، يشوطوا كلب في بطنه يطيروه، يمسكوا قطة من ذيلها يلفوها مروحة ويحدفوها بعيد، ألاقي بنت 6 سنين بتضرب كلب صغير بالقلم بكل تفريغ لشحنة قساوة هي شخصيا بتتعرض لها، معرفش ايه الاحساس العجيب بالتفوق والقدرة اللي بيحسوه!! بس اللي أكيد إن الرحمة ما بتتجزأش مستحيل يكونوا بيتلذذوا بعذاب كائنات ضعيفة قدامهم ويكونوا رحيمين بالناس حواليهم، ارجوكم نعلم أطفالنا الرحمة بمخلوقات الله، الكائنات دي التقرب منها متعة لا يمكن تخيلها، حنية كده بتغمرك، احساس ما يعرفش قيمته الا اللي مجربه، الأطفال بنربي فيها الرحمة لما بيشوفونا بنرحم، من غير أي تكلفة ماديه لو قدمت بق ميه لكلب في الشارع، بلاش حتى لو بس طبطبت عليه، لو أنت من الناس اللي بتقلق بلاش برضه بس اقلها ما تأذيهوش!! ما تسمحش لابنك أو حفيدك او اخوك الصغير انه يأذيه فهمه انه بيألمه وانه روح وانه حيتحاسب عليها وانه إكرامها صدقه، لو علمته ثقافه الاحساس باللي حواليه حاتزرع الرحمه جواه ومع الوقت حايحس بيك شخصيا وبإخواته وجيرانه، ربنا سبحانه لم يخلق اي كائن عشان نعذبه هو خلق كل حاجه في الكون عشان نستمتع بيها، ف يلا نبدأ".

أعمال ميرنا وليد
من ناحية أخرى قاربت الفنانة ميرنا وليد على الإنتهاء من تصوير مشاهدها في فيلم الورقة الثالثة وهو إنتاج مصري فرنسي والذي من المقرر عرضه فور الإنتهاء من تصويره.
كما أوشكت ميرنا وليد على الإنتهاء من تصوير مشاهدها في مسلسل تعويذة رشيدة والذي من المقرر عرضه خلال موسم رمضان المقبل.
ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد ميرنا وليد