مع 4 كلاب وقطة.. هكذا احتفلت ميرنا وليد ب«عيد الحب»

احتفلت النجمة ميرنا وليد، بعيد الحب في هذا العام بشكل مختلف؛ حيث شاركها الاحتفال 4 كلاب وقطة، في دعوة منها إلى الرفق بالحيوان والنهي عن تعذيب المخلوقات الضعيفة.
وظهرت ميرنا وليد خلال جلسة التصوير بطقمين أحدهما كاچوال أحمر في أبيض والآخر فستان أحمر.
اقرأ أيضا| شاهد| دينا الشربيني تظهر بإطلالة غريبة.. والجمهور يعلق: «لفة هدايا»
وأعربت ميرنا وليد عن إستيائها من ما يفعله بعض الناس مع الحيوانات من تعذيب وإيذاء، وقالت عبر صفحتها الرسمية على موقع التواصل الاجتماعي فيسبوك: "مما لا شك فيه ان ربنا سبحانه وتعالى فضل الانسان على باقي المخلوقات ولكن منظر موجع بجد لما تشوف اطفال وساعات للأسف شباب بيعذبوا حيوانات صغيره، يشوطوا كلب فبطنه يطيروه ،يمسكوا قطه من ذيلها يلفوها مروحه ويحذفوها بعيد، ألاقي بنت 6 سنين بتضرب كلب صغير بالقلم بكل تفريغ لشحنة قساوه هي شخصيا بتتعرض لها، معرفش ايه الاحساس العجيب بالتفوق والقدره اللي بيحسوه!! بس اللي أكيد إن الرحمة ما بتتجزأش مستحيل يكونوا بيتلذذوا بعذاب كائنات ضعيفه قدامهم ويكونوا رحيمين بالناس حواليهم، ارجوكم نعلم اطفالنا الرحمه بمخلوقات الله ، الكائنات دي التقرب منها متعه لا يمكن تخيلها، حنيه كده بتغمرك، احساس ما يعرفش قيمته الا اللي مجربه، الأطفال بنربي فيها الرحمه لما بيشوفونا بنرحم،من غير اي تكلفه ماديه لو قدمت بق ميه لكلب في الشارع، بلاش حتى لو بس طبطبت عليه ،لو انت من الناس اللي بتقلق بلاش برضه بس اقلها ما تأذيهوش!!ما تسمحش لابنك او حفيدك او اخوك الصغير انه يأذيه فهمه انه بيألمه وانه روح وانه حيتحاسب عليها وانه إكرامها صدقه، لو علمته ثقافه الاحساس باللي حواليه حاتزرع الرحمه جواه ومع الوقت حايحس بيك شخصيا وبإخواته وجيرانه، ربنا سبحانه لم يخلق اي كائن عشان نعذبه هو خلق كل حاجه في الكون عشان نستمتع بيها، ف يلا نبدأ".
من ناحية أخرى قاربت النجمة ميرنا وليد على الإنتهاء من تصوير مشاهدها في فيلم الورقة الثالثة وهو إنتاج مصري فرنسي والذي من المقرر عرضه فور الإنتهاء من تصويره. كما أوشكت ميرنا وليد على الإنتهاء من تصوير مشاهدها في مسلسل تعويذة رشيدة والذي من المقرر عرضه خلال موسم رمضان المقبل.