السيسي ل«قادرون باختلاف»: دايما بفكر في لقاء ربنا.. وفي اليوم ده انتوا اللي هتدخلونا الجنة

قال الرئيس عبد الفتاح السيسي، لذوي الهمم، خلال احتفالية "قادرون باختلاف": "دايما بفكر في لقاء ربنا.. وفي اليوم ده انتوا اللي هتدخلونا الجنة.. الخوف على مصر على طول دائم، خاصة في الفترة من 2011 ل 2014 وفي الوقت اللي حصل فيه موجة كبيرة من الإرهاب وتفجيرات الكنائس والمساجد ومديريات الأمن"، متابعًا:"كل اللي كان بيشوف مصر في الوقت ده كان بيقول خلاص كده.. مش عايز أفتكر الذكريات دي بس عايزين نخلي بالنا".
وأضاف "السيسي"، في فقرة "اسأل الرئيس" ضمن النسخة الرابعة من احتفالية "قادرون باختلاف": "كل مصري دفع ثمن كبير أوي عشان البلد دي تبقى بالهدوء ده والسلام ده"، موجهًا رسالة للمصريين: "حافظوا على اللي ربنا وقف معانا فيه".
وتابع:"الجيش والشرطة والدولة دفعوا ثمنًا كبيرًا لحماية مصر.. ولن ننسى أهالي الشهداء".