احتفالية قادرون باختلاف ..الرئيس السيسي يوجه رسالة هامة للمصريين

وجه عمرو عيد، بطل سباحة من ذوي الهمم سؤالًا ل الرئيس السيسي في فقرة اسأل الرئيس ضمن النسخة الرابعة من احتفالية "قادرون باختلاف"امتى حضرتك خفت على بلدنا اوي؟".
وأجاب الرئيس السيسي: " الخوف على مصر على طول دائم وخاصة في الفترة من 2011 ل 2014 وفي الوقت اللي حصل فيه موجة كبيرة من الإرهاب وتفجيرات الكنائس والمساجد ومديريات الأمن"، متابعًا:" كل اللي كان بيشوف مصر في الوقت ده كان بيقول خلاص كده.. مش عايز افتكر الذكريات دي بس عايزين نخلي بالنا".
إقرأ أيضاً
* رئيس الوزراء يُهنئ الرئيس السيسي بالعام الميلادي الجديد
* الرئيس السيسي يحضر النسخة الرابعة من احتفالية «قادرون باختلاف»
وأضاف الرئيس السيسي :" كل مصري دفع ثمن كبير اوي عشان البلد دي تبقى بالهدوء ده والسلام ده"، موجهًا رسالة للمصريين: "حافظوا على اللي ربنا وقف معانا فيه ".
وأكمل الرئيس السيسي: "لازم تعرف.. اللى حمى مصر ربنا سبحانه وتعالي.. وأنا من الناس اللى ممكن شايفين حجم الدمار اللى البلد تدخل فيه لسنين طويلة.. 20 و30 و40 سنة الله أعلم.. محدش حمى البلد إلا ربنا.. البلاد اللى جبنا دخل ومش رجع.. بلدنا ظروفها أصعب.. ولو كان حصل شكل من أشكال الاقتتال.. فى 2012 و2013.. نقدر نقول أن الجيش والشرطة والدولة دفعت ثمن كبير اوي.. طب أنا تقديرى أن ربنا حمى البلد حبا وتقديرا لمصر وشعب مصر.. الحمد لله أنه نجانا من ده كله وعداها بسلام.. وان شاء الله تبقى بفضل الله اللى جاى أفضل أن شاء الله".
احتفالية قادرون باختلافالرئيس السيسي