أوفى بوعده .. مطرب المترو يشارك تامر حسني حفلته بالإسكندرية

يستعد الفنان الشاب أحمد حماده للظهور مع الفنان تامر حسني فى حفلته الغنائية التى من المقرر ان تقام يوم السبت القادم بمدينة الاسكندرية .
ومن المقرر ان يشارك أحمد حماده الفنان تامر حسني الغناء فى أحدي الاغاني ، وهو الامر الذى التزم بتنفيذه تامر حسني بعدما وعده بذلك .
وكان تامر حسني قد إنتهي من تسجيل أغنية جديدة مع احمد حمادة ويشاركهم فيها الغناء عدد من المواهب الشابة .
تامر حسني وأحمد حماده
أحمد حمادة مغني المترو: سجلت دويتو مع تامر حسني وأظهر في حفلته
مطرب المترو: بهاء سلطان ميسي الغناء بالنسبة لي
تامر حسني يدشن مبادرة لعلاج مرض ضمور العضلات

نشر الفنان تامر حسني، صورة لأحد الأطفال مصابي مرض ضمور العضلات، وحث جمهوره على المساهمة في علاج هذا المرض، كمبادرة منه.
وكتب تامر حسني، عبر انستجرام: «يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيها بس هيساهم في احياء طفلة في لحظة واحدة طفلة بتتعذب كل لحظة هي و اهلها ،، امنية حياتي والله العظيم دلوقتي ، يتعمل ابليكيشن تحت رعاية الدولة و تتسمى (( المليون اخ)) و تبقى على تليفونات الناس اللي هتتبرع مليون واحد هتجيلهم رسالة حسب خطورة المرض و نوعه و تكلفته العامة و المطلوب منه و في سيستم يقدر يدخل بنفسه يشوف اسمه و تبرعه راح فين و ان المريض اتعالج خلاص و تجيله رساله شكراً صدقتك احيت نفس بل اسرة كامله .. انا كفنان جاهز لأي جهه هتتبنى الفكرة دي اني اكون داعم ليها و معلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي و اخبط على بيت بيت و ده لوجه الله و لخدمة شعبنا و اهالينا المحتاجين»
وتابع تامر حسني: «اللي هيشترك،،،،،،، مره هيدفع 10 جنيه ... مره خمسه .... مره 30 اقصى حاجه 40 جنيها لان حقنة علاج المرض دا ب 40 مليونا و دي اغلى حاجه تخيلوا لما ب 40 جنيها بس تنقذ روح بني آدم يعني هتدفع صدقه و هتنقذ روح و انت في بيتك و الصدقه فيها اجر عظيم تحمي نفسك بيها تحمي ولادك و كل اللي بتحبهم و تبقى صدقه جاريه في كل حياتك .... قيمة الصدقه عند ربنا كبيره اوي اوي فوق ما تتخيلوا يا جماعة متتخيلوش بتشيل عننا حاجات صعبه قد ايه لو عرفناها هنبكي فرحاً من رحمة ربنا ... يارب حد يسمعني».
واختتم تامر حسني: «و كدا باذن الله مش هيكون في مريض محتاج .. و لو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكلة منهم».