تامر حسني يدشن مبادرة لعلاج مرض ضمور العضلات

نشر الفنان تامر حسني، صورة لأحد الأطفال مصابي مرض ضمور العضلات، وحث جمهوره على المساهمة في علاج هذا المرض، كمبادرة منه.
وكتب تامر حسني، عبر انستجرام: «يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيها بس هيساهم في احياء طفلة في لحظة واحدة طفلة بتتعذب كل لحظة هي و اهلها ،، امنية حياتي والله العظيم دلوقتي ، يتعمل ابليكيشن تحت رعاية الدولة و تتسمى (( المليون اخ)) و تبقى على تليفونات الناس اللي هتتبرع مليون واحد هتجيلهم رسالة حسب خطورة المرض و نوعه و تكلفته العامة و المطلوب منه و في سيستم يقدر يدخل بنفسه يشوف اسمه و تبرعه راح فين و ان المريض اتعالج خلاص و تجيله رساله شكراً صدقتك احيت نفس بل اسرة كامله .. انا كفنان جاهز لأي جهه هتتبنى الفكرة دي اني اكون داعم ليها و معلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي و اخبط على بيت بيت و ده لوجه الله و لخدمة شعبنا و اهالينا المحتاجين»
وتابع تامر حسني: «اللي هيشترك،،،،،،، مره هيدفع 10 جنيه ... مره خمسه .... مره 30 اقصى حاجه 40 جنيها لان حقنة علاج المرض دا ب 40 مليونا و دي اغلى حاجه تخيلوا لما ب 40 جنيها بس تنقذ روح بني آدم يعني هتدفع صدقه و هتنقذ روح و انت في بيتك و الصدقه فيها اجر عظيم تحمي نفسك بيها تحمي ولادك و كل اللي بتحبهم و تبقى صدقه جاريه في كل حياتك .... قيمة الصدقه عند ربنا كبيره اوي اوي فوق ما تتخيلوا يا جماعة متتخيلوش بتشيل عننا حاجات صعبه قد ايه لو عرفناها هنبكي فرحاً من رحمة ربنا ... يارب حد يسمعني».
واختتم تامر حسني: «و كدا باذن الله مش هيكون في مريض محتاج .. و لو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكلة منهم».
View this post on Instagram
A post shared by Tamer Hosny (@tamerhosny)
تامر حسني يبحث عن أطفال موهوبين
وكان الفنان تامر حسني قد أعلن منذ فترة عن احتياجه لأطفال موهبين وكتب على صفحته الشخصية : لكل الجهات المعنية و الأسر اللي مربيه مواهب حلوه مهلبيه بدور على أطفال يمثلوا و يغنوا من سن 9 ل 13 سنة ولاد و بنات موهوبين جداً ،( في اسرع وقت ).

تامر حسني يختتم حفلات الصيف
واختتم النجم تامر حسني صيف 2022 بأقوى الحفلات الجماهيرية بالساحل الشمالي وسط الآلاف من محبيه، وغنا أكثر من ساعتين وتفاعل معه الجمهور بحماس كبير، وتحديداً على أغنياته الأخيرة "هدلعني" و"ليه طله" و"خدنا مناعة" و"حبيتها يا ناس" و"مبجيش بالطريقة دي"، بالإضافه لأشهر أغانيه "كل مره" و"بنت الإيه" و"أكتر حاجة" و"يانا يا مفيش" و"اختراع" و"عيش بشوقك".
وأبهر تامر حسنى الحضور بأدائه المتميز لأغنيتي "ارجعلي" و"كفاياك أعذار". وأكد منظم الحفلات اللبناني ربيع مقبل، أن حفل النجم تامر حسني هو الأنجح في هذا الموسم، وقد تخطى بنجاحه جميع النجوم العالميين الذي قدموا حفلات بمصر هذا العام، وكانت حفلة النجم تامر حسني الأكثر جماهيرية والأعلى بيعاً وسط جميع حفلات صيف 2022.

أحدث أعمال تامر حسني
طرح الفنان تامر حسني أحدث أغانيه التي تحمل اسم انت اختيار والتي صورها على طريقة الفيديو كليب.
انت أختار من كلمات فاروق رشاد وألحان تامر علي توزيع وميكس يحيي يوسف ماستر على فتح الله.
وتم طرح فيلم بحبك، بدور العرض السينمائي في مصر يوم الخميس 7 يوليو، للمنافسة بماراثون أفلام موسم عيد الأضحى السينمائي.
وينافس العمل فيلم "كيرة والجن" للنجمين كريم عبد العزيز وأحمد عز ويتم طرح فيلم "عمهم" للنجم محمد إمام أيضا في نفس التوقيت.

أبطال فيلم بحبك
فيلم «بحبك»، من تأليف وإخراج تامر حسني، في أولى تجاربه بالإخراج السينمائي، ويشارك في بطولة العمل كل من: حمدي الميرغني، هنا الزاهد، هدى المفتي، مدحت تيخة، شهد الشاطر، عالية راشد، وعدد آخر من الفنانين.

ألبوم عشأنجي ل تامر حسني
من جهة أخرى، طُرح ألبوم عشأنجي للفنان تامر حسني، حصريًا، عبر تطبيقي أنغامي وديزر للموسيقى، وذلك في تمام الساعة ال 12 مساء ليلة الجمعة 22 يوليو.
ويتضمن ألبوم تامر حسني الجديد، من 9 أغنيات، هي: «أحلى كلام، عشأنجي، ما بجيش بالطريقة دي، بعد مؤقت، سوحنا، زي الأيام دي، خدنا مناعة، سجل يا تاريخ، ليه طله».