فيفي عبده: مقدرش أقول الرقص حلال أو حرام.. أرفض التبرع بأعضائي بعد الوفاة.. باخد ملابس أي عمل بشتغله عشان خايفة من الأعمال

حلت الفنانة فيفي عبده، ضيفة في برنامج " حبر سري " المذاع على قناة " القاهرة والناس"، وتحدثت فيفي عبده عن كواليس حياتها الشخصية والفنية.
التوبة
ردت الفنانة فيفي عبده، على سؤال إن فلوس التمثيل والرقص مش حلال،: مقدرش اقول إن الرقص او التمثيل حلال او حرام وانا عملت كده وانا صغيرة وكبرت بفني والجمهوري عرفني "، مضيفة :" مش هقدر اقول اني اتوب وانا بعمل شغل وبتعب فيه و التوبة دي علاقة بيني وبين ربنا ". ".

الحسد
ردت فيفي عبده، على سؤال: "فيفي مؤمنة ان نجمها خفيف وبتتحسد بسرعة وما هو سبب شعورها بأنها محسودة"، قائلة:"تعرضت لمواقف حسد كثيرة بسبب اتقاني للعمل، وساعات بيجيلي هسهس بسبب خوفي من تعرضي للحسد".

وتابعت فيفي عبده: "أنا باخد ملابس أي عمل بشتغله عشان خايفة من الأعمال ومبحبش حد يلبس لبسي الذي استخدمه في عملي".

وتابعت فيفي عبده :" لا أذهب إلى الدجالين من أجل فك الأعمال، واللي يفكر يروج للدجالين يكون غلطان، ونتغلب على كل ده بالقرآن والصلاة ".
التبرع بالأعضاء
ردت الفنانة فيفي عبده، على تكرار شائعة وفاتها كثيرا في الفترة الأخيرة، قائلة :" بيموتوني كثيرا ولما اموت بجد محدش هيصدق" قائلة:" ساعات بشوف صور العزاء بتاعي على السوشيال ميديا ".
واضافت فيفي عبده :" لا أوافق على التبرع بأعضائي بعد الوفاة وكل واحد له وجهة نظر في هذا الأمر ".

الحجاب
ردت فيفي عبده، على تساؤل "ظهرتي بالحجاب أكثر من مرة.. هل نفسك تتحجبي لكن أكل العيش منعك" قائلة:" "ممكن ألبس الحجاب لما أكون عايزة أحج، أاو لما أعمل مشهد في التمثيل وده مش معناه حجاب".
وأضافت فيفي عبده: "ولا أنشر صوري اثناء أداء العمرة او الحج، وأنا نزلت صورة واحدة فقط أثناء أداء العمرة ، ومش بحب انزل النوعية دي من الصور لأن دي حاجة بيني وبين ربنا".
صافيناز
أكدت الفنانة فيفي عبده، أنها حال امتلاكها ملهى للرقص والسهر ستختار الراقصات دينا ولوسى للعمل فيه طالما لم يعتزلوا الفن، مؤكدة أنها تحب الراقصة صافينار وتتميز بخفة دمها.

وقالت الفنان فيفي عبده، : "أنا بحب صافينار جدا وهي دمها خفيف وواخدة شويه من خفة دم المصريين وفى أجانب راقصات كويسين جدا ولكن عندنا الروح والدم مهمين للنجاح في الأعمال الفنية".

المقالب
كشفت الفنانة فيفي عبده، كواليس مشاركتها في برامج المقالب قائلة :" بخاف واترعب من المقالب، وانا بعمل كل احتياطاتي لكن بيتعمل فيا المقالب برده".
وأضافت فيفي عبده ، :" هاني رمزي جابلي 3 أسود وتعبان وكانوا حوالين العربية اللي كنت متواجدة فيها، ومين يقدر يستحمل حاجة زي دي " مضيفة:" لما عملت برنامج مقالب عملت حاجة كوميدية خفيفة لذيذة".
ابنتها عزة
أكدت الفنانة فيفي عبده، أن ابنتها الفنانة عزة مجاهد لم تفشل في مشوارها الفني خلال مشاركتها معها في مسلسل كيد النسا، قائلة: "عزة بنتى ممثلة كويسة ولم تفشل في كيد النسا ولكن في نوعية من الشغل لا تناسبها وبيجلها شغل وكذا مسلسل من غيري وهي عاملة حوالي 6 مسلسلات".

وتابعت فيفي عبده: "مشوار عزة ابنتي صعب في الفن وكانت عبء عليها في مشوارها الفني ولو هي مش ناجحة الناس مش هتأخذها وهي مجتهدة والجمهور هو اللي هيحكم".
وأكملت فيفي عبده، : "ممكن انتج لبنتي ولكن أنا عايزها تبقى مجتهدة والفن مفيش فيه واسطة ولازم يكون الشخص نفسه هو ناجح"