من نص الاعترافات.. حفيد المرشد حسن الهضيبي يتبرأ من الإخوان: مش مقتنع ب شغلهم السري

حصل موقع صدى البلد على نص إعترافات المتهم محمد إسماعيل حسن الهضيبي، حفيد حسن الهضيبي مرشد جماعة الإخوان في الخمسينات، في القضية رقم 1 لسنة 2021 جنايات أمن الدولة طوارئ مدينة نصر ثان، والمقيدة برقم 703 لسنة 2021 كلي القاهرة الجديدة، وبرقم 1552 لسنة 2018 حصر أمن الدولة العليا، والمتهمة فيها أيضا عائشة خيرت الشاطر.
وأدلى المتهم محمد إسماعيل حسن الهضيبي 44 سنة، طبيب أسنان حر بإعترافات تفصيلية أمام جهات التحقيق، والذي ينشر موقع صدى البلد الجزء الأول منها الخاص بنشأة المتهم وعلاقته بجماعة الإخوان.
شراكة حسن مالك.. اعترافات عائشة خيرت الشاطر: والدي ترك العمل التجاري وتفرغ ل الجماعة
من نص التحقيقات.. ماذا قالت عائشة خيرت الشاطر عن إعتصام رابعة وتظاهرات مدينة نصر؟
وقال المتهم محمد إسماعيل الهضيبي، أنا مواليد محافظة الجيزة، في أسرة مرتاحة ماديا ووالدي عايش وهو على المعاش وكان شغال محامي، ووالدتي توفت سنة 2007 وعندي 3 أخوات، نشأت في أسرة ملتزمة دينيا من صغري وكنت محافظ على الصلوات وبتحرى الحلال والحرام في كل تعاملاتي، وده مكنش ليه أي علاقة بأن جدي هو حسن الهضيبي "المرشد العام الأسبق" وبعدها عمي مأمون الهضيبي "المرشد العام الأسبق".
وتابع حفيد حسن الهضيبي في إعترافاته، ملناش أي علاقة بجماعة الإخوان ومعلوماتي عنهم أنهم جماعة تدعو الناس للصلاة والسيدات للحجاب وتعاليم الاسلام، وده الانطباع اللي كنت مكونه عن الجماعة، وكنت بشوفهم وأنا في الجامعة وبسمع عنهم وبعد ما أتخرجت أشتغلت دكتور أسنان وفتحت عيادة خاصة وكنت بسمع أن الاخوان موجودين في نقابة الأطباء.
حفيد المرشد العام: الإخوان جماعة محظورة.. ومش مقتنع ب شغلهم السري
وأضاف حفيد حسن الهضيبي المرشد العام الأسبق للجماعة، بالنسبة ليا أنا مكنتش بقتنع بأفكار التنظيمات والجماعات اللي موجودة مخالفة للقانون زي الإخوان، علشان كان طالع لها قرار حل وأنا معترض على فكرة تغيير مطلوب أنه يتعمل ويكون بشكل سري زي اللي بيعمله الإخوان، وكان لازم التغيير يكون في شكل كيان معلن مش مخالف للقانون وبيشتغل في سرية، وقبل ثورة 25 يناير مكنتش أعرف أي حد في جماعة الإخوان، ومكنش ليا علاقة غير ب عمرو خالد اللي كان بيعمل برامج في التلفزيون وكان مرة دعاني للانضمام للجماعة سنة 1994، وأنا مكنتش أعرف أنه من الإخوان، غير لما قالي ساعتها وأنا رديت عليه وإعتذرت له، للأسباب اللي قولت عليها، ولما أخدت رأي والدي نصحني إني موافقش.
وتابع حفيد حسن الهضيبي، لا أنا ولا أي حد من أهل بيتي كان لينا علاقة بالإخوان لأني تزوجت بعد ما أتخرجت على طول، وكان حالي قبل ثورة 25 يناير هو شغلي وبيتي بس، وماليش أي نشاط مع الإخوان، ولما قامت ثورة يناير كنت بنزل ميدان التحرير مع نفسي وشاركت في الانتخابات اللي حصلت لكن مش حابب أقول أديت صوتي لمين علشان ده أمر سري، وبعد ثورة يناير أنا حبيت يكون ليا دور في التغير اللي حصل في البلد شاركت في العمل العام من خلال انتخابات نقابة الأطباء اللي مكنتش بتتعمل وتم إجراء أول إنتخابات في مارس 2012 وقررت إني أدخل الانتخابات.