شراكة حسن مالك.. اعترافات عائشة خيرت الشاطر: والدي ترك العمل التجاري وتفرغ ل الجماعة

حصل "صدى البلد" على نص اعترافات عائشة خيرت الشاطر، نجلة القيادي خيرت الشاطر نائب مرشد جماعة الإخوان، في القضية رقم 1 لسنة 2021 جنايات أمن الدولة طوارئ مدينة نصر ثان، والمقيدة برقم 703 لسنة 2021 كلي القاهرة الجديدة، وبرقم 1552 لسنة 2018 حصر أمن الدولة العليا.
وأدلت المتهمة عائشة محمد خيرت سعد الشاطر، مواليد 18 ديسمبر 1980، ربة منزل، بإعترافات تفصيلية أمام جهات التحقيقات، وينشر موقع صدى البلد في الجزء الأول تفاصيل حياة القيادي خيرت الشاطر وإنضمامه إلى جماعة الإخوان.
وقالت المتهمة في إعترافاتها، أنا أتولدت 18 ديسمبر عام 1980 في مركز طلخا محافظة الدقهلية، ووالدي كان مدرس مساعد في كلية الهندسة جامعة الإسكندرية، وبعد كده سافر بريطانيا عمل ماجيستير في الهندسة ورجع أسس شركة "سلسبيل للكمبيوتر" وطبيعة عملها كان مجال البرمجيات ومن الوقت ده بدأت أعرف أنه عضو في جماعة الإخوان، وبعدها في سنة 1990 أتقفلت الشركة وأتشمعت وأتقبض على والدي وشريكه "حسن مالك" وفضلو محبوسين سنة وشهر.
وأضافت عائة خيرت الشاطر في إعترافاتها، بعد ما والدي خرج من السجن كان بيتولى تنظيم معارض لعرض المنتجات في نقابات المهندسين والأطباء وبعدين مسك مشرف عام على مطعم نادي نقابة المهندسين، وبعدها أتحبس سنة 1995 وخرج من السجن سنة 2000، وبعدها خرج وأتقبض عليه سنة 2001 في شقة في منطقة إمبابة، كان ساعتها في لقاء مع بعض أعضاء الجماعة وأتحبس فيها سنة وشهر وبعدها بدأ نشاطه التجاري كان واخد توكيلات ملابس في العقاد مول وبعدين توسع وفتح محل مع حسن مالك أسمه فريدة وكانوا بيبيعوا عبايات حريمي تركي مستوردينها من الخارج.
وتابعت عائشة خيرت الشاطر في إعترافاتها، بعدها والدي أخد توكيل أثاث تركي في مصر وكان اسمه استقبال وبعدين أخد توكيل ملابس، وبعدها أتقبض عليه تاني سنة 2005 بتهمة قلب نظام الحكم وفضل محبوس ساعتها لحد ثورة 25 يناير لما خرج من السجن وبقى عضو مكتب إرشاد الجماعة ثم تولى منصب نائب مرشد الجماعة.
وأستكملت عائشة خيرت الشاطر، والدي ساعة حكم مرسي كان مع الجماعة ومش متابع العمل التجاري خالص لحد ما أتقبض عليه بعد بداية إعتصام رابعة بحوالي 3 أيام ومن ساعتها وهو محبوس.