شيرين رضا: بخاف أتفرج على نفسي وأنا بمثل

حلت الفنانة شيرين رضا ضيفة في برنامج "بصراحة مع" الذي تقدمه الفنانة يسرا على شاشة "أم بي سي".
قالت شيرين رضا، أثناء البرنامج: "أنا مبحبش أتفرج على نفسي وانا بمثل.. بخاف اشوف نفسي.. بخاف أحبط.. مانا بشوف كل حاجة وحشة.. كتير حسيت إني أحبطت لما شفت نفسي".
وأضافت: "مسلسل لدينا أقوال أخرى المكتب الإزاز ده كنت بكرهه عشان انا كنت بعمل واحدة شريرة عايزة ادمرك.. وصعب تعملي الشر وانتي قاعدة على المكتب.. كنت بحط الحوار قدامي على اللابتوب.. اصلي قاعدة مبعملش حاجة.. كمان هحفظ؟".
بينما قالت يسرا: "أنا كمان مبحبش أتفرج عشان دايما بقول لنفسي ياه لو كنتي عملتي المشهد أحسن من كده.. بتفرج بس وقت ما يكون المشهد جاهز للعرض".

شيرين رضا: صاحبتي خانتني مع جوزي
وقالت شيرين رضا: "صاحبتي خانتني مع جوزي.. كانت أقرب صديقة ليا.. لحد النهارده مبكلمهاش.. مرة واحدة بطلت أتكلم.. اتوجعت جدا.. اتوجعت عشان مصدقتش لما الخيانة بتيجي من حد قريبة منه.. انا اتوجعت منها لأن الراجل متوقع يعمل كده لكن الوجع جالي من الست".

وروجت يسرا للحلقة قائلة: "استنونا بكره أنا والجميلة #شيرين_رضا في برنامج #بصراحة_مع الساعة 9 مساءً على قناة mbc1".