شوقى غريب يكشف سر عدم استدعاء عمر مرموش

كشف شوقى غريب المدير الفني لمنتخب مصر الأوليمبي تفاصيل جديدة حول عدم استدعاء المحترف فى أوروبا عمر مرموش.
قال شوقي غريب على هامش المؤتمر الصحفي المنعقد حاليا فى استاد القاهرة: دائما بسافر باربع حراس مرمى و22 لاعب وسبق واعلنت 40 اسم في نوفمبر الماضى بعد ما المنتخب الأول يختار لاعيبته ونشوف نتائج تحاليل كورونا ..
تابع: المعسكر ده كان مفروض 6 حراس كان مفروض نجيب محمد اشرف حارس طنطا المنتقل إلى سموحة .. أنا مش لسه بجرب عندي لاعيبة كتيرة قيدتها في القائمة .
أضاف: محمد صبحي لعب معايا 3 ماتشات ودية بس وكان الحارس الأساسي في بطولة إفريقيا .. عملنا قائمة مبدئية فيها اكتر من 70 لاعب .. ما بين كبار وصغيرين .. هناخد في النهاية 18 لاعب ممكن يبقى فيهم 3 لاعبين كبار وممكن ميبقاش فيهم 3 كبار ..
استطرد شوقي غريب: فيه ناس بتقول عمر مرموش ملعبش معايا خالص وده غلط لعب معايا امام هولندا وامام مالاوي وهو دوره زي دور اي حد في النهاية الاختيارات بتتم بناء على احتياجاتنا .. عمر مرموش مهاجم ولو قولت المهاجمين اللي عندنا وبينهم منافسة هتقولوا ربنا يكون في عونك .
شدد على أن المنافسة شديدة في الهجوم ولم استدعي عمر مرموش في مارس خصوصا أنه لا يوجد مباريات.. وممكن ناديه يقولي لازم أما يرجع يخش حجر صحى وفرصته زي فرصة اي لاعب لا حكر على اي لاعب.