شاهيناز ضياء تتصدر جوجل بعد علقة موت من زوجها.. والأخير يرد

تصدرت المطربة شاهيناز ضياء، نجمة "ستار أكاديمي" مؤشر البحث جوجل في مصر، بعد ما وصفته باعتداء زوجها عليها.
وكانت المطربة شاهيناز ضياء وجهت رسالة إلى زوجها السابق بعد التعدي عليها بالضرب، بعد أيام من إعلان انفصالها عن زوجها.
ونشرت شاهيناز مجموعة من الصور لها بعد اعتداء زوجها عليها وعلقت: "حسبنا الله ونعم الوكيل .. ضربتنى وبهدلتنى أنا وأمى.. مش عايز يدينى ابنى.. ليا رب يجبلى حقى".
وقرر إيهاب محمود، أن يخرج عن صمته ويرد على كل ما قيل ضده من جانب زوجته شاهيناز وذلك عبر صفحته على فيسبوك قائلًا: "شكرًا لكل حد شتم فيا وفي والدتي انتو شايفين نص الحقيقة بس محدش شاف إيه اللي حصل وازاي، بيتبلو عليا هي ووالدتها، أنا هرد علشان الكل يعرف اني مش متربي على ده في كلام وكواليس وانا مش هتكلم على أم ابني واشهر بيها زي ما شهرت بيا ومعايا أدلة وورق على كل الكلام ده يثبت صحة كلامي وحسبي الله ونعم الوكيل في الضرر اللي سببوه لأهلي وليا".
وأوضح: "بكرا ان شاء الله هطلع أرد بفيديو ومستندات وورق والناس هتعرف مين ظالم ومين مظلوم ومحدش يتكلم في حاجة ميعرفهاش، الصورة بتبين نص الحقيقة مع احتفاظي بحاجات مينفعش تطلع لأني مش هشهر بأم أبني ولا حقول حاجة تجرح ابني لأني أتربيت على الأصول".
وأخيرًا قال إيهاب : "أما ينزل الفيديو كله هيعرف اني مجتش على حد ومحدش برده يعرف الحقيقة لأنها مجرد صور وحقيقة مش كاملة".
شاهيناز تزوجت في أغسطس عام 2014، وأهدت لزوجها أغنية "أنا بعشقه" التي حققت نجاحًا كبيرًا.