شاهد... الصقر يحتفل مع أولى الثانوية العامة بتفوقها

قام أحمد حسن نجم الاهلي والمنتخب السابق بزيارة مريم سعيد الأولي على الثانوية العامة علمي علوم بمجموع 99.9% حيث أكد العميد أن مريم مثال يجب أن يحتذى به ويفخر به الجميع.
ونشر الصقر صورة له مع مريم عبر حسابه الرسمي على موقع التواصل الاجتماعي "فيسبوك" وعلق قائلا: "مريم نمودج مشرف فهي بنت حارس العقار البسيط وعندها اربع اخوات وفي غرفة واحدة قدرت تتحدى كل الصعوبات دي وتجيب 99%.. اكيد محدش حيستضيفها عشان اصبحنا في زمن التفاهات والهلس، نموذج زي مريم اكيد ما يجروش وراه، لكن طبعا يجروا ورا نماذج التعري التانية، اللي كل ما تتعرى اكتر يدفع لها اكتر، فتتعرى اكتر فيدفعلها تاني اكتر".
وكتب أيضا: "مبسوط جدا النهاردة ان انا زرت العيلة دي وانا فخور ببنت زي دي وبعيلتها ليا صور كتير بعتز بيها وبكون فخور بيها ولكن الصورة دي هحتفظ واتشرف بيها وكمان هكتب تحتها شكرا لمريم انها اتصورت معايا عشان والله ومن قلبي انا كنت اتمنى ان نموذج مريم ده تكون اختي او بنتي، باصرارها وعزيمتها وطبعا ادبها واخلاقها وتربيتها عشان كنت هطلع واقول دي اللي شرفتني".