بنات في الجيم.. ولاد عند الكوافير

في البداية يقول إسلام الشهير بإسو عن سبب اهتمامه بشعره: لازم اهتم بشعرى، لانى بسبب شعرى بقيت موديل وبيختارونى اعمل أدوار صغيرة بس ماربطوش مخصوص عشان أمثل.. الحكاية إنى شفت صورة ليا وانا صغير خالص أمى كانت عملالى شعرى ضفيرتين كده فأول ماشوفتها حبيت انى أطول شعرى، كنت بوقفه كده سبايكى في الأول لحد ما طوّلته أوى وقررت اعمله ديل حصان الصيف ده، وهى موضه السنة دى، وانا باطوّله من زمان مش ماشى على الموضه زى ناس كتير بتربى شعرها وخلاص زى تى شيرت طلع موضه كله يلبسه لأن فيه كتير بيربوا شعرهم من غير ما يهتموا بيه وبيصحى من النوم ينكعش شعره ويمشى في الشارع كأنه روش.
وعن عاداته اليومية لاهتمامه بشعره يقول إسو: أنا مهتم يوميا بوضع كريمات معينة يوميا الصبح وبالليل لتنعيمه وللحفاظ على طوله وعدم تقصيفه.. كمان باخد حقن دورية من الزيوت الطبيعية والكيماوية لضمان استمراره ناعما وعدم تسقيطه، ليناسب التسريحة التي استقر عليها، سواء كيرلى أو ديل حصان وممكن تطلع موضة أن الشعر يكون هايش زى دلوقتى واضطر ساعتها أن أدلق عليه بيبسى وسبرايت اكتر ما بشربهم عشان يبقى خشن عشان أواكب الموضة.
سارة عبد اللطيف بنت منتظمة على مرواح الجيم 4 أيام فالأسبوع.. حبينا نسألها شوية أسئلة عن الناس اللى نحوها فالجيم !
أول سؤال تقليدى حبيت أسأله ليها.. «انتى بتروحى الجيم ليه أصلا؟! «
سارة: عشان أكيد بهتم بصحتى، وأكيد أي رياضة كويسة للدورة الدموية.
«طيب بعيد عن كلام اللى بنسمعه ف أي برنامج ده.. في حاجة كل ناس وأخذة بالها منها هي البنات اللى تروح الجيم عاملة شعرها ومكياج وتتصور فالمرأيا عشان ناس كلها تعرف أنها فالجيم ! انتى عمرك عملتى كده؟ ورأيك ايه في ده؟ «
سارة: طبعا لا ! اللى بنات اللئ بتعمل كده.. عايزة بس ناس تتفرج عليها ومع أنها فالجيم بس العرق والبهدلة مقدرش يدارى her cuteness !
«طيب لما بتروحى بتشوفى نفس البنات هما هما ولا بيتغيروا؟! «
سارة: لا معظم الوقت هما هما وده أكبر دليل أن فيه بنات فعلا مهتمة مش موضة وخلاص !
«طيب دول البنات.. بالنسبة للولاد مش حاسة أن مبقوس بيهتموا بصحتهم زى الأول؟ يعنى يادوب بس يروحوا فالصيف سارة: لا هو فيه ولاد بتهتم بصحتها طبعا بس مش بيبانوا وسط الولاد اللى كل هما فورمة الساحل ! وطبعا.. عشان عايزين attention بتاع البنات. «طيب بما انك بتروحى الجيم وFit ايه نصيحة اللى تديها لأى بنت حتى لو واحدة نفسها تخس؟ «
سارة: أي بنت لازم تأخذ الرياضة دى أنها أسلوب حياة مش عشان أخس وشهر وأوقف.. لا لازم تفضل مكملة حتى لو حست 100 كيلو ! سارة كانت نموذج للبنت اللى بتهتم بصحتها.. ياريت كل البنات تكون زيها... ورسالة لكل الولاد ماتجوش تفتكروا الجيم فالصيف بس !
من النسخة الورقية