"عسكري" قصيدة جديدة للشاعر عبد الرحمن خطيب

وفكل يوم
تصحى على صوت الندا
يخطف فذاتك منها
وتدوس على الاحلام بيادة
م المهانة المحكمة طوق ع الجبين
علشان نويت يا انت الحزين
تغزل من العمر اللى جاى توب للشرف
كان الجزا تفطر عدد
وكأنة حاكم مطلع مكتوبلك ايه
تلبس مشانق تفصلك عنك
ويشدك اليوم للأسى
روح استلم
كرباج لناس تغزل من العمر اللى جاى توب للشرف
تلقاك فلحظة قد عمر الكون ذهول
طب مين انا؟؟!!!!!!!
تفشل محاولتهم لشدك ع السراب
مليون ضمير بيأنبك
كرباج أيديك بيعذبك
والطير على كابك حزين
مكتوب عليك
تجلد فاحلامك سنين
واقف هناك
وكأنك السد المنيع
شايف عيون
فيها الحياة عايزة تعيش
مطلوب
تموت حلمها وترجع الصوت للحناجر
يخنقك
طعم الهزيمة....فول بسوس
ينفض ملامح قسوتك ترجع بسيط
وتنام وتحلم بالأمل
تصحى على صوت الندا
ببكى عليك
حزنى على عمرك وعمرى والحدود اللى مابينا
والعلم
شبكة أيدينا فالطابور
صوت الهتاف
زحمة فصول المدرسة
مين اللى فرق حلمنا
والكون براح م الاجوبه بس السؤال مستغربك
بتغربك منا حدود
لية المسافة ممكنة؟!!!!!!!!!!!!!!
عبد الرحمن الخطيب