"راندا البحيرى" تدخل فى مشادة كلامية مع متابعيها بسبب صورتها مع "أطفال الشوارع"

تعرضت الفنانة الشابة "راندا البحيرى" لحملة من الهجوم والسب من بعض متابعيها عبر حسابها الشخصى بموقع الصور "إنستجرام" بعدما نشرت صورة لها بصحبة أطفال وأطلقت عليهم لفظ "أطفال الشوارع" حينما قالت: "أطفال الشوارع في التجمع الخامس النهاردة، قضيت معاهم وقت حلو أوي، بس اتعرفت على كام حد منهم وحبيتهم لدرجة إني مخنوقة أوي إني مش هشوفهم تاني، كريم ونسمة ومحمد هتوحشوني".
لتنشب مشادة كلامية وتراشق بالألفاظ بين "البحيرى" وأحد متابعيها والتى قالت لها: "ملهاش لازمه كلمة أطفال الشوارع دي قولي أطفال محتاجين رعاية أي حاجه مش الكلمة دي"، فى حين قال متباع آخر: "وصفك ليهم وصف بيدل على مدى عنصريتك *اطفال الشوارع*فرحانة اوي وبتتصوري سيلفي؟؟! ياريت نحترم وصف ضحايا المجتمع الفاشل".
لترد "البحيرى" على مهاجميها قائلة: "فكرت كتير أوي قبل ما أرد عليكم، وبصراحة مكنتش ناوية أرد من كتر ما كومنتاتكم بالنسبة لي مستفزة، ومش عاجبني أصلا ارد عليها، لكن قررت أصفي قلبي وأرد عليكم، يمكن حد غيركم يستفيد من النقاش".
وأضافت: "هل انتوا شايفين أي كلمة أو وصف للأطفال الغلابة دول غير أطفال الشوارع؟ مش هم أطفال شوارع عايشين نايمين صاحيين واكلين شاربين في الشارع؟ هما فعلا كدة، ليه مصرين تدفنوا دماغكم في الرملة ومتواجهوش الحقيقة وتحاولوا تجملوها".
وتابعت: "ولا هي الحقيقه بتكون قاسية عليكم وبتفكركم بتقصيركم تجاههم فبتحاولوا تزينوا الحقيقة دي علشان متتعبوش نفسيا؟؟؟".
واستطردت "راندا" قائلة: "لا ياسادة. هم فعلا اطفال شوارع. واللي مش عاجبه ينزل يلمهم من الشارع. ويقف جنبهم. ولو بسيلفي زي الاستاذ الفاضل ما قال. ونَصّب نفسه إله دخل في نوايا البشر ونوايايا وعرف الاستاذ اني اتصورت معاهم سيلفي وجريت".
واختتمت "راندا" حديثها قائلة: "تخيل كده ومقتنع معرفش على أساس انه كان معانا مثلا؟؟؟..والله عالم غريب مينفعش الواحد يركز معاه علشان ميتعبش".