رواد "تويتر" يدشنون هاشتاج "#الشرطة_المصرية_رجال" لدعم الأمن.. وناشط يغرد: عمرنا ما هننسى وقفتكم معانا

دشن رواد موقع التواصل الإجتماعى "تويتر" هاشتاج أطلقوا عليه "#الشرطة_المصرية_رجال" تضامنا مع رجال الشرطة فى تصديهم للعناصر الإجرامية والإرهابية، والدعاء للشهداء الذين ضحوا بأرواحهم فداء للوطن.
وغرد "@Yaseenelmasry": "من حقنا كشعب #مصر ان نفخر بكما ومن حقكم انكم تفخروا بشعب #مصر المتحد خلفكم"، بينما "@Nano_Roses" قالت : "الشرطة هي باب شقتك الجيش هو كالون شقتك اللي يفرط فيهم يبقي عايز#بوكو_حرام".
وقال "@shewail55" : "عينان لاتمسهما النار عين بكت من خشية الله وعين باتت تحرس في سبيل الله"، فيما قال الناشط السياسى "حازم عبد العظيم" : "يوم مانزلت ثورة يناير كنت فاكر ان معركتنا معكم وكنت ضدكم وانتم اللي حميتونا بعد كدة بدمكم من الارهابيين الخونة".
وفى نفس السياق، قال "@EslamElShirbiny" : "عمرنا ما هننسى وقفتكم معانا عمرنا ما هننسى ان انتوا بتستشهدوا علشانا مقدرين دايما ان انتوا كل يوم بتودعوا أولادكم"، بينما قالت الإعلامية "هند القاضى" : "اتغيرت وانحازت للوطن وأمن المواطن وقدمت شهدا كتير فدانا..تحية واحترام لهم ربنا يحميكوا".
وعلق "@semahelmansy" : "احنا اسفين لكل ظابط اومجند ترك الابناء وضحى بنفسة علشان وطن انا وغيرى عايشين فى وناس تانية مش بتقدر قيمة حد فيهم اسفين"، وقالت "@masriya98" : " لن نمر من الازمة الا بتكاتف الجهود وايدى فى ايدك نعدى اى حدود ونغير المحال فى الحال".