بالفيديو.. والدة أول شهيد في محمد محمود تدعو ل 25يناير: الثورة ما انتهتش.. ومش طالبين إلا القصاص

* والدة الشهيد أحمد محمود في رسالة للمشير : حسبي الله ونعم الوكيل فيك أنت وعصام شرف
* مفيش حاجة اسمها احتفالية ..انزلوا عشان الورد اللي فتح.. وانزلوا عشانى أنا وأنت وغيرنا يعيشوا عيشة كريمة
كتب - عاطف عبد العزيز :
دعت والدة الشهيد أحمد محمود أول شهداء محمد محمود المواطنين للنزول لميدان التحرير لاستكمال الثورة ومساندة أهالي الشهداء في المطالبة بالقصاص العادل من القتلة, وقالت ” إنزلوا عشان الورد اللى فتح فى جناين مصر .. وانزلوا عشانى أنا وأنت وغيرنا يعيشوا عيشة كريمة ” .
وحول تفاصيل استشهاد ابنها, قالت إنه استشهد أمام مجمع التحرير بطلق نارى بسلاح القناصة من خلال سلاح كاتم للصوت، وأن الرصاصة اخترقت الرئتين واستقرت في القلب .
وأشارت إلى أبنها الشهيد هو الابن الوحيد لها وأنها لن تترك حقه، وأنها ستنزل يوم 25 للتظاهر بشكل سلمى .
وأضافت ” الثورة لسه ما انتهتش .. ومفيش حاجة اسمها احتفالية هو احنا أنجزنا حاجة غير إن دم ولادنا راح.. لغاية دلوقتى مفيش حد اتحاكم.. والكل متواطئ الداخلية والعسكري والنائب العام وما لناش دلوقتى غير ربنا اللى بنطلب منه ان دم أولادنا ما يروحش هدر ” .
وأكدت أن جميع أمهات الشهداء لا يطلبون سوى القصاص وأن أي أم تطلب شئ أخرمتبقاش أم ، ووجهت رسالة للمشير طنطاوى قائلة ” حسبى الله ونعم الوكيل فيك أنت وعصام شرف ” .
شاهد الفيديو: