"أكلة الغلابة ولعت نار"ارتفاع جنوني في أسعار الأسماك بدمياط

يشهد سوق الأسماك بدمياط، ارتفاعا جنونيا للأسعار فى الأيام الأخيرة، خاصة بعد ارتفاع أسعار الوقود والسولار وما ترتب عليها من زيادة كبيرة فى أجرة النقل.
تشتهر دمياط بالأسماك نظرا لوجود مدينة عزبة البرج وامتلاكها لأكبر أسطول للصيد بالمنطقة، فيعتبر السمك الأكلة الشعبية رقم 1 عند الدمايطة، وكذلك هى ملاذ الفقير حيث تنوع درجاتها، مما يعطى مساحة لكل المستويات لشرائها.
تقول فوزية موظفة: كنت أعتمد على السمك كأكلة شعبية تتميز بالرخص والسرعة فى التحضير وأيضا يستطيع كل واحد أن يشترى سمكا على قدر دخله، لكن اليوم أصبحت الأسعار نار وأقل كيلو سمك فى السوق ب15جنيها والأسرة بتشترى مش أقل من كيلو ونص يعنى 23 جنيها ويتكلف شوى 5 جنيهات يعنى السمك بس بيتكلف 30 جنيها غير باقى تكلفة الطبخة يعنى السمك معتش الأكلة الموفرة.
رامى بائع أسماك يقول: إحنا مضطرين نرفع الأسعار لأن لما سعر السولار اترفع الصيادين مخرجوش للصيد فى البحر فالسمك الوارد قل وبالتالى سعره ارتفع وكمان أصحاب عربيات النقل رفعوا الأجرة علينا واحنا كتجار مش هنتحمل كل الزيادة دى فكان لازم نرفع السعر النهاردة البورى الوسط بيبدأ من 25 جنيها للكيلو ويصل إلى 80 جنيها الدنيس بيبدأ من 50 جنيها لغاية 120جنيها للكيلو والبلطى بيبدأ من 15جنيها لغاية 30.