نشطاء يلقون القبض على بروفايل “تامر بتاع غمره”صاحب تعليق” ناس بيتكلموا انجليش لانجويدج في الميدان”

* جروب على الموقع الالكتروني “مطلوب محاكمة تامر بتاع غمرة أو هاني بيبرس”
كتب – أحمد سمير:
دشن نشطاء على موقع الفيس بوك الاجتماعي جروبا بعنوان مطلوب محاكمة تامر بتاع غمرة صاحب تعليق ناس بيتكلموا انجليش لانجويدج في الميدان. ونشر نشطاء الفيس بوك بروفايل ” تامر” وقالوا أنه معد في قناة النيل للأخبار بعد ما أكد أدمن الجروب أن صاحب البروفيل هو “تامر بتاع غمرة” الذي خرج خلال الثورة واتهم شباب التحرير بأنهم عملاء.
وبدا الغضب واضحا من شخص (تامر)على الجروب فقد انتقد محمد الميهى إساءة تامر لسمعة غمره كلها ، بينما كتب نبيل جلال” فعلا لازم اللي عمل كده سواء ده أو غيره يتحاسبوا عشان ده تضليل للرأي العام وناس كتير ماتت بسبب كلامهم .. لأننا وإحنا في التحرير يوم الأربعاء كانوا اللي جايين عشان المخلوع منهم كتير غرر بهم “.
و طالب ادم حاتم بمحاكمة تامر لأن” بسببه هو وأمثاله الكثير من الناس – ومنهم عدد من زملائي – اعتقدوا إني مخرب وبتعامل مع الأجانب ضد البلد، كما تسبب في سيل مكالمات على تليفوناتنا من ناس نحترمهم عتبوا علينا وجودنا في ميدان التحرير و يكفي لمحاكمته نظرة التخوين اللي شفتها في عين واحد من جيراني”.
وتوصلت نور الورد لعقاب مبتكر فكتبت “بصراحة دا لازم يجى في التلفزيون وكل الناس تشوفه”.
و كتب عادل فاروق “تامر لازم يتحاكم بتهم التحريض والتضليل و التمثيل الركيك المستفز”
يذكر أن فيديو “تامر بتاع غمره” شاهده أكثر من 80 ألف مشاهد على اليوتيوب.
رابط الفيديو
http://www.youtube.com/watch?v=GdzbS0ucJSo