حسين جعفر : الليلادي ف حضني غنوه

غنوة خضره
لسّه مولوده لبكره
كل ما تصرّخ تزغرط
كل زغروطه ببشرى
كل بشرى بنت فكره
انتي فاكره
أيوا فاكره
وعارفه جدا
لو نسيتك تبقى ناكره
أبقى نكره
وانتي مين
راح ينكرك
انتي أجمل حاجة جيّه
انتي أصلا أحلى ذكرى
انت انا طول العمر ليا
الليلادي خدتي حقك
من مشاعري
خدت روحي
انتي طايره جوه شعري
انتي أدرى
غنوه خضره
غنوه مولوده
لبكره
غنوه مزيكة فرَح
كل شيء شافك طرح
سمعك طرح
حسك طرح
لاسفلت طرح
الحيط طرح
البلاط
السجاد
طرح
التلفزيون غيّر أشكاله
ومذيعينو
وألوانه
الفيسبوك
اسمه
“الفيس فرَح”
كل الجرايد بتتسابق
على اخبار الفرح
انتي الفرَح
لاهرام فرح
لاخبار فرح
ف جمهورية الفرَح
حتى البديل
ماهوش بديل
بديل فرَح
المصري فرَح
دستور فرَح
رئيس تحرير فرَح
بشنب من غير
فرَح
موزوزن على وزن الفرَح
يزينه وزّان الفرَح
مش عاجبه يوزن برّه
ما لهوش ف الفرَح
مدير تحرير
أفعال
كلام
آلام فرَح
وشروق فرَح
يا معلمين
اصغر ما فيك
أكبر ما فيك جوه الفرَح
فجر الفرَح
يا ملينين
يا مَليَميِن
جوه الفرَح
أحلى الأهالي ف الفرّح
الكومي أحمد ف الفرَح
ياللي انتوا فرّحتوا الفرَح
جالكوا الفرَح
وكمال خليل ابو عيطة
يستقبلوا المعازيم
عرايس الفرح
ادهم بيرقص بالفرح
جوه الفرَح
آدم فرح
كل الدموع بنت الحياه
دموع فرَح
يا فرح مغزول بالفرَح
ليلة فرَح
طرح الكلام
طرح الغنا
فرح انطرح
وخلّي كلب من الكلاب
جوه الفرَح
برّه الفرح
يهوهو
هوهوايه وحدة
بدون فرح
كل الكلاب
زغرطت جوه الفرَح
يا كل ألوان الفرَح
الفرح لوّن
الهوا
لون الفرَح
الشعب مفتاح الفرح
الشعر مفتاح الفرح
العشق مفتاح الفرَح
وأي حد مالوش فرَح
له ف الفرَح
ليلة فرَح
صباحيّه
ليلة فرَح
غنوة فرَح
خضره لبكره فرح
زغروطه مزيكة
فرَح
كل الشواذ
جوه الفرَح
شواذ فرَح
وكل أحّه
طالعه فرحه
ف الفرَح
حتى النقاب
من غير نقاب
جوه الفرَح
اللي ما يقراش القصيده
ف الفرَح
يقرا الفرَح
حالة الفرح الوحيده
اني اكتبلك قصيده
اني ابقالك قصيده
امشي فيكي بالقصيده
تيجي ليا بالقصيده
كل حاجه حلوه فيكي
ف القصيدة
بالفرَح
كتبت ناسي كتبوني
ف كتاب الفرح المليوني
جوه الفرَح
ياستي
ياست الفرَح
ف حضني
غنوة فرَح
خضره لبكرة فرَح