بالفيديو.. الرخاوي: إيه يعني شفيق اشتغل مع مبارك.. في بلدنا بيقولوا "خد بنت الندل وخاصمه "

اعترض د يحيى الرخاوي أستاذ الطب النفسي بجامعة القاهرة على وصف الفريق أحمد شفيق المرشح لرئاسة الجمهورية بأنه من الفلول، حيث قال "لا يجوز أن أختار أحمد شفيق وأقول أن به عيوب مبارك ماينفعش".
وأوضح خلال لقاءه مع برنامج (الحياة اليوم) علي قناة الحياة قائلا "اشتغل معاه اشتغل معاه.. وإيه يعني.. كما يقال في بلدنا "خد بنت الندل وخاصمه " ومش معني أني اشتغلت معاه ا أو سايرته أني أبقي زيه، والاتهامات الموجهة لشفيق بأنه قتل ناس ننتظر حكم المحكمة تثبت أنه قاتل بس مش ما يبقاش رئيس فقط بل يعدم طالما قتل الناس، واذا كان قانون العقوبات لا يعدمه اعمل له قانون عقوبات وأعدمه".
وأضاف الرخاوى "انما طالما لم يتم الحكم عليه مش من حقي احكم عليه كذلك محمد مرسي له تاريخ اكاديمي وتاريخ وعي ومنظم وواضح".
واستكمل "ما ينفعش أقول علي أحمد شفيق ولا ال 5 مليون اللي صوتوا له انهم فلول، لأن مفيش تعريف للفلول ومفيش أيضا تعريف للثورة، الثورة تبدأ بانتفاضة ثم تفكيكة ثم تشكيل ثم بناء وبعده إبداع وبعدين نتيجة، معندناش هذه السلسلة".
أستاذ الطب النفسي: مينفعش أقول على شفيق "فلول".. وإيه يعني أنه اشتغل مع مبارك؟
مفيش تعريف للفلول ومفيش تعريف للثورة.. والثورة تبدأ بانتفاضة ثم تفكيكة ثم تشكيل ثم بناء وإبداع.. ومعندناش هذه السلسلة