د /عمرو عبد السميع : مساء الخير وأهلا بكم في حالة حوار ثقافة الانتماء حلقات خاصة من هذا البرنامج نناقش فيها علاقة الناس والوطن انتو عرفين ان السنة اللي فاتت كان عام الأزمة الماليه العالمية وكل التوقعات كانت تشير الى تضرر أربعة قطاعات رئيسية في العالم كله قطاع البنوك والعقارات والسياحة والطيران لكن في مصرحصلت حكايه مدهشة تدعوا الى التأمل أعلن البنك المركزي المصري ان مصر للطيران حققت فائض في عام الأزمة يبلغ 573 مليون جنية علشان كده انا استضيف النهاردة المسئول الأول عن الطيران المدني في مصر يفسر لنا هذه المسالة ومش بس يفسر لنا الحكايه دي أنما يفسر لنا أيضا لمادا انجازات الطيران المدني محل اعتراف واحتفال من قوي المعارضة وقوي الموالاة لما قوي المعارضة وقوي الموالاة تتفق يبقي ده اسمه المواقف القومية والمواقف القومية هي التي تصنع الانتماء ويا أيها الشاب الجميل حب بلدك حب وطنك ده الحب بعده مستحيل د/عمرو عبد السميع :اسمحوا لي أولا ان أرحب بضيفي وضيفكم الفريق احمد شفيق وزير الطيران المدني وأرحب بأبنائي وبناتي شبات وشباب مصر وأهلا وسهلا بكم د/عمروعبد السميع : سيادة الفريق بتشرفنا للمرة الثانية في حالة حوار على امتداد خمس سنوات لكن في الحقيقة ما بين المقابلتين في انجاز كبير جدا تحقق احنا بنفضل دائما ان نضع الخلفية الشخصية في حلقات الانتماء علشان نقول ان أي عمل تحقق على الأرض في هذا البلد وراءه مؤسسات تصوغ الإنسان ونصوغ القائد و تصوغ المسئول ايضا الحقيقة سيادتك أتخرجت من الكليه الجوية عام 1961 وشاركت في حروب 1967 والاستنزاف و 1973 سيادتك حصلت ايضا على زمالة كليه الحرب أكاديمية ناصر العسكرية العليا وزمالة كليه الحرب باريس وكذلك دكتوراه الفلسفة في الإستراتيجية القومية للفضاء أصبحت رئيس أركان القوات الجوية ثم قائد القوات الجوية وبعد ذلك وزير ا للطيران المدني مسيرة طويلة و41 سنة من الخدمة في مؤسسة القوات المسلحة قولي عملت لك ايه القوات المسلحة وعملت الناس ايه في مصر عندنا الوزير/ احمد شفيق : بدايه طبعا أشكرك على التقديم الكريم ده كتر خير حضرتك ذكرت موضوعات انا لو سردتها ممكن أنسي جزء منها يعني بحكم السن والزمن يعني القوات المسلحة مدرسة لا يمكن الاستهانة أو يعني أفكار فضلها في تعليم أبناءها وتدريبهم وتوضح الصورة الكاملة لهم في كل المجالات مدرسة عميقة جدا يمكن لا يستشعر فضلها غير اللي مر بتجربتها كنت من المحظوظين من أبناء القوات المسلحة اللي امضوا فيها عمر صحيح أتخرجت سنة 61 التحقت بالعسكرية أوالكليه الجوية سنة 58 وحضرتك لا تتخيل من 58 لغايه 2002 انا قضيت عمرفي المجال بتاع الحياة العسكرية أو القوات المسلحة أضيف نقطة الحقيقة قبل ما استرسل في حديثي ان الإنسان يكون محظوظ بفضل من عند ربنا كبير جدا ان يكون أكل عيشة لو اعتبرنا أكل عيش انا من مهنتي يعيش أكل عيشة هو هوايته وحبة في نفس الوقت تفرق كثيرجدا ان الواحد يتكسب علشان يعيش أوواحد بيشتغل حتي لو مخدتش مرتب لأنه يهوي المكان أويعيشه أوهوده يتفق مع ميوله كنت من المحظوظين اللي يتفق المكان مع ميولهم فنجحت بس مش أكثرمن ذلك يعني لم انجح إلا لان يحب المكان وأحب طريقته وأحب أسلوبه أحب منهجه فكان من حظي ان انجح في حياتي نجاح انا مكنتش مقدرة لنفسي الحمد لله القوات المسلحة مدرسة لا تقارن بغيرها مبقولش لا تقارن بغيرها طبعا انا لازم أكون مشايع لها لكن ظروفها تتيح لها انها للي يحب العمل في المجال المنضبط يجد في القوات المسلحة مدرسة عظيمة جدا يجد فيها كل ما يلزم ان يتعلمة لو طبعا انا بقالي في الحياة المدنية قاربت ال عشر سنين ومستمتع جدا بوجودي وشايف فيها نجاح ليه كل حاجة مش يقول ان انا نجحت هنا وفشلت هنا لكن عاوز أقول إني انا استثمرت نجاحي هنا أو البعد العام اللي اكتسبته هنا استثمرته هنا فكان ده من أسباب نجاحي الرئيسية القوات المسلحة مدرسة هائلة لو الإنسان كان محب لما يتلقي فيها يقدر يستفيد استفادة بالغة ويكون طبعا انا مش عاوز تقارني النهاردة أقولك مفيش حاجة اسمها مدني وعسكري خالص خالص هي تتوقف على الخليه تتوقف على الإنسان في إنسان يخرج من القوات المسلحة ومينجحش وفي إنسان يخرج من الحياة المدنية ويستمر فيها ومش ناجح والعكس صحيح في من هنا ناجح ومن هنا ناجح العبرة بالخليه ومدي موائمة الظروف بها وإنها اكتسبت ايه د /عمروعبد السميع : سيادة الوزيرالحقيقة هناك جانب أخر لتأثيرالقوات المسلحة على كوادرها اللي غزت بهم الحياة في مصر في مجالات عديدة وهو المجال الوطني سيادتك شاركت في مجموعة من العمليات العسكرية اللي فاتت بها القوات المسلحة على امتداد تاريخك العسكري وعملت منذ سنة 1969 مع الرئيس محمد حسني مبارك من ذلك التاريخ وحتي الآن عاوزك تكلم الشباب دول عن القائد الأعلى للقوات المسلحة تكلمهم من هو القائد الأعلى للقوات المسلحة من خلال تجربة عملك المباشر معه الوزير/احمد شفيق: اعتذر واستأذن منك ان أقول الرئيس حسني مبارك علشان احنا تعودنا على الرئيس حسني مبارك د/عمرو عبد السميع : تمام الوزير/ احمد شفيق : يمكن بحكم الاقتراب منه يمكن بحكم التعود على إننا التعامل مع الرئيس حسني مبارك طبعا انا من يوم ما أتخرجت سنة 61 وإحنا حتي اللي محتكش به احتكاك مباشر لأنه كان يدير أو يقود تشكيلات بعيدة عن البعض الأخر لكن د/عمروعبد السميع: الرئيس كان يقود تشكيلات الطيران القاذفة ج اف 16 سيادتك تقود أيه ؟ الوزير/ احمد شفيق : المقاتلات كنت في المقاتلات د /عمرو عبد السميع : نوعها ايه وقتها ؟ الوزير/ احمد شفيق : كان سعات يطلق عليها الميج 21 د /عمرو عبد السميع : الميج 21 دي طيارة نوعين نهاري وليلي ؟ الوزير/ احمد شفيق : دي كانت طيارة العصر ساعتها كانت طيارة العصر المهم ان احنا كنا أيا كان مكاننا كنا الحقيقة حطين عيننا أو نتتبع اسم حسني مبارك لا ننكر ذلك إطلاقا احنا سمعينه وشيفينه في المناسبات ايه النجاح اللي يتحقق ويعني القيادة المثاليه اللي احنا كنا نتطلع لها للمحب في مكانة اللي عاوز يكمل وعاوز يعني حاسس بكده حياته اعتقد ان احنا اعتبار من 69 مع تعيين الرئيس حسني مبارك لرئيس الأركان القوات الجوية فأصبحت قيادته عمومية ككل سواء في المقاتلات في القاذفات في النقل في غيره أصبحت عمومية فأصبح احتكاكنا به مباشر وأصبحت الاستفادة من خبرته مباشرة الحقيقة يعني تحتك به كثيرا ان كشخص قد ادعي أحيانا دلوقتي يقولوا لي كيف لك انك تفرق كده بين واحد حبيبك جدا وتخرجه من الشغل بكره كيف لك فلان مابتحبوش وأنا اعلم انك مبتحبوش وسيبه في المنصب الفلاني أقول أتعلمتها من حسني مبارك واخد بالك يعني هناك خط فاصل لا يخترق بين العلاقة الشخصية والمحبة والعلاقات الاجتماعية والعلاقة الأسرية واخرج انا وزوجتي وزوجته وكل ده كوم والشغل كوم متزعلش مني هتشتغل اما نختلف نفترق ونتعشي بالليل مع بعض ونخرج زي ما احنا بس الرجولة انا بقوله كلمة رجولة هنا مع احترامي لكل الأنوثة الموجودة قدامي الرجولة هنا اعتبارية قصدي الرجولة يعني د /عمرو عبد السميع : مسالة الأخلاق يعني ؟ الوزير/ احمد شفيق : القدرة على اتخاذ القرار المناسب احنا بنقول كلمة رجولة تعبر عن هذا يعني الرجولة إني انا مخلطش أتعلمت منه ذلك تماما ان هذه نقرة وتلك نقرة د/عمرو عبد السميع : أيه كمان ؟ الوزير/ احمد شفيق : المتابعة متابعة خطيرة جدا المتابعة الخطيرة جدا اللي ما تذهقش يعني وراء الموضوع ما دام حطته في دماغي انا ورآه سنة اثنين عشرة عشرين مليش دعوة انا وري الموضوع لما يتحقق أو ما يتحققش لكن انا بتابع د /عمرو عبد السميع : ايه كمان ؟ الوزير/احمد شفيق : مفيش كلام تقدير الفرد القدرة على اختيار الأفراد للماكن متنساش حضرتك دي عنصر نجاح رئيس إني انا أقول فلان يتولي الموضوع الفلاني قدرة الاختيار أو توصيف البني ادم للمهمة المطلوبة واني أصل جواه الى ان هو ده البني ادم اللي هيحقق المهمة موضوع قدرة خطيرة جدا على اختيار الأفراد فيميزهم واختيارهم يعني لما يكلفوا به لكن مما لاشك فيه إني انا اشرف إني انا تعلمت من سيادته د/عمرو عبد السميع : تيجي بقي على الطيران المدني ومصر للطيران الحقيقة منذ أيام اللجنة الوزارية السياسية والتشريعية عقدت اجتماع خرجت بعدها دكتورمفيد شهاب وزير المجالس النيابية والشئون القانونية علشان يقول إننا الآن بصدد تغيير القانون 28 سنة 81 الخاص بالطيران المدني ليتواءم مع مجموعة من المتغيرات العالمية أو الدولية يعني هنبقي أمام عمليات أو إجراءات أو بنود تحاول تحقيق السلامة للمطارات تحقيق السلام الطيران أو أجهزة السلامة والحدود الخ وأيضا هنبقي قدام عمليات لتنظيم البناء حول المطارات أولا سيادتك هتنظم البناء حول المطارات ودي سلطة المحليات الحاجة الثانية وما هي التغيرات التي حدثت في العالم وأوجبت علينا تغير قانون الطيران الوزير/ احمد شفيق : كل يوم بيعدى كل سنة يتعدي في مستجدات في قواعد جديدة في أجهزة بيئة بتتحط تقتضي قيود معينة في المنطقة بتاعة المطار احنا ما بنحطش قيود علشان نحط قيود نحط قيود علشان نشتغل نحط قيود علشان الطيارة تنزل في آمان دي تقتضي الطيارة علشان تنزل في آمان يبقي المنطقة اللي حوليها ظروفها كذا احنا إذا كنا بنطور بنطور علشان نشوف العالم كله وصل الى ايه علشان فيبجوش في يوم من الأيام يقولوا لي المطار بتاعك مش مواكب أو مش متفق مع ما في النصوص العالمية من قواعد اطلع بره احنا مش هننزل عندك كذا مش عوزة كلام احنا يوم ما غلطنا في حاجة في الصيانة صغيرة أو كده أتقال لنا انتو لو معملتوش النقطة دي وفاتت علينا وأنا باقر مش هتنزلوا في أوروبا خلاص يبقي انا العيب عندي العيب عندي يبقي لازم أغطية تغطية وعدينا وقدرنا تقدير جيد جدا أول حاجة بش برضو على نفس المثل النهاردة المطار بتقول المطار لازم المنطقة المحيطة به اللي هي المؤثرة هي الطيارة وهي نازلة في الاقتراب بتاعها أو في المغادرة من المطار تتعرض لظروف تتعرض لظروف آمان وهي نزلة تتعرض لظروف أجهزة لاسلكي وأجهزة رادارية تتصل بها مش عاوزة تبق فيها إعاقة ومتتلاقاش الرسالة تنزل نزول أو تطلع طلوع مش آمن يعني كله لمصلحة المطار د/عمرو عبد السميع : هل القانون الجديد ده بيدي سيادتك هذه السلطة ؟ الوزير/ احمد شفيق : موجودة يا فندم السلطة القانون الجديد الحقيقة يمكن الحتة دي بالذات مغيرش فيها كثير ان انا أول ما توليت مسئوليه الطيران المدني وشرفت باني مسكت وزارة الطيران المدني أصرت الحقيقة وووفقت في عرض طلبي بان احنا عملنا تعديلات في القانون القائم فيما يتعلق بأمان الطيران والمطارات تعمل كذا وكذا وحصلنا على التغيير د /عمرو عبد السميع : ايه هو الكذا ده اللي يتوافق مع الاحتياجات الدولية ؟ الوزير/ احمد شفيق : شوف قيود معينة علشان الطيارة تقترب بأمان للمطار علشان ننزل مينفعش علشان إني انا صاحب عمارة عاوز يكسب أكثر يطلع بالدورين زيادة يأخذ فيهم كام مليون زيادة د /عمرو عبد السميع : انا بتكلم غير العمارات ايه الحاجات الثانية المتطلبات الدولية مننا اللي المفروض ان احنا نتجاوب معها الوزير/ احمد شفيق : الأمان المتسع من كله المعدة في مجال نوع الأجهزة المستخدمة مجال الأمان في نطاق استخدام كل واحد فيها آمان يعني هي مجموعة من د /عمروعبد السميع : منظومة كده على بعضها الوزير/ احمد شفيق : حضرتك لازم تلتزم بها علشان يطلع لك في الأخر شهادة تقول مطار القاهرة مطار شرم الشيخ مطار الغردقة مطار امن للنزول أتفضلوا انزلوا الراجل الأجنبي اللي يجي ينزل المطار حضرتك يبص فيما يطلق عليه المطار ده يشوف ظروفه تسمح له بالنزول ولا لقة المنظمات الدولية تقول المطار ده امن لك ولا لقة مش هيموت نفسه ويموت الركاب معاه علشان يجيلي هنا لما يشوف ان في خلاف عليك بقي ما يروح حتة ثانية ما يروح بدل القاهرة يروح ينزل اليونان وامن له ما دام عمليه مش آمنة الموضوع مصلحة عامة مصلحة دولة أو مصلحة وطن وسمعه لينا تلازم تلتزم بها وده اللي احنا بنعملة د/عمروعبد السميع : رئيس الاتحاد بتاع النقل الجوي الخاص بشمال افريقيا والشرق الأوسط أعلن في فبراير اللي فات انه هذه الصناعة خسرت في هذه المنطقة في عام الأزمة الماليه الدولية خسرت 11 مليار وقال انها مرشحة انها تخسر العام الذي يليها 6.5 مليار تاني ولكن في يناير اللي فات فاروق العقدة رئيس البنك المركزي المصري ده راجل جميل قوي يا ولاد هنبقي نستضيفه هنا طلع وقال ان مصر للطيران حققت فائض 573 مليون جنية ما تشرح لنا هذه المعضلة أزاي عملته ؟ الوزير/ احمد شفيق : قبل ما اشرحها عاوز أنوه قدام أبنائي اللي قاعدين دول أنني مذهول ان حضرتك مجمع بيانات أكثرمن اللي عندي د /عمروعبد السميع : العفو . الوزير/ احمد شفيق : صحيح مش انا لست مجاملا يعني ولكن انا مستغرب انك بتكلمني د /عمرو عبد السميع : ما احنا لازم نذاكر حضرتك شوية . الوزير/ احمد شفيق : مذاكر كثير الحقيقة آه في خسائر في الدنيا كلها حصلت من سنتين في موقع رسمي وأنا بدي تصريح قلت ان في 45 شركة طيران في العالم خرجوا من النشاط سابوا الطيران لان دي ظروف صعبة مش قادرين مفيش شركة طيران واحده في العالم واحدة مخدتش دعم من الدولة علشان تقدر تعبر المشكلة الماليه اللي حصلت في العالم في الفترة اللي فاتت مش بدعي يعني مش باتهم بالتقصير حد مدنيش دعم احنا مطلبناش دعم مصر للطيران الشركة الوطنية الرئيسية لم تطلب دعم دولار واحد أو جنية مصري واحد وشايلة نفسها والخسائر اللي عليها شيلاها وقادرة تغطيها دي نقطة عاوز أنوة لها كويس قوي ان مفيش مطار في العالم النهاردة اللي عاوز يحافظ على صناعة الطيران عنده مدعمش شركته في المحنة الماليه اللي مر بها د /عمرو عبد السميع : عملتوها أزاي طيب ؟ الوزير/ احمد شفيق : أقول حاجة نمرة واحد في جزء مش بادينا علشان انا راجل صريح لازم أقوله محتش في المركز يعني بمعني ايه احنا تأثرنا نسبيا اقل من غيرنا علشان اعمل برباجامدة ممكن أقول أتأثرت زي الناس لكن لقة حضرتك زي ما بتدور يعني دائرة كده وتدورها تلاقي ايه القريب من السنتر أو القريب من المركز يتأثر بسرعة كبيرة يلف معاك كل ما تبعد تلاقية يلف أبطئ مفيش كلام ان احنا منطقة الشرق الأوسط كنا نسبيا يعني اقل تأثير من غيرنا أو مش بالعنف اللي تأثر به غيرنا ده هام شال 10% يعني شال 20% عني شال جزء يعني الظروف خدمتني الحاجة الثانية ان احنا فكرنا شوية كل أزمة ولها نهايه نقعد سنة تقعد سنتين دنا علشان احجز طائرة النهاردة اطلبها علشان خاطر تيجي لي تيجي لي بعد سنتين وثلاثة د/عمروعبد السميع: بالمناسبة انتم بكرة الحفل انتم تستقبلوا طائرة 777 ايه أهمية الحدث ده ؟ الوزير/ احمد شفيق : حدث يرمز إننا معطلتناش الأحداث احنا في وسط الأحداث كبريات شركات العالم لا ادعي ان احنا بقينا من على مستواهم خالص بس احنا يمكن بحجمنا الصغير يمكن يكونوا الأخوة في الشركة أتصرفوا صح وقدروا ان هما بدل ما يلغوا في ناس لغت يعني في ناس لغت الحجوزات بتاعة الطيران اللي هتخدها احنا بالعكس لم نلغي د/عمروعبد السميع : بتشتروا وتضيفوا ؟ الوزير/ احمد شفيق : احنا روحنا خدنا مكان اللي لغوا يعني انا كنت هستلم سنة عشرة في واحد لغي سنة تسعة قلت لهم انا استعجل وادفع فلوس هنا واخد بتاع سنة تسعة لان الأزمة مش هتستمر طول العمر تستمر فترة تبقي انا يا ريت بعد الأزمة مباشرة تبقي طائرتي جاهزة ميبقاش انا أتأجلت نجحنا ونجحنا كويس قوي الحمد لله في التقدير انا ما انكرتش الأول ان احنا تأثرنا مكنتش زي غيرنا ما انكرنهاش علشان ما يبقاش كله بندعية لنفسنا لكن حسبناها والجزء الباقي بقول لحضرتك رحنا اشترينا مكان الناس اللي سابوا طائراتهم د /عمرو عبد السميع : جبتوه منين ؟ الوزير/ احمد شفيق : جبناه من المخ د /عمرو عبد السميع : أزاي يعني؟ الوزير/ احمد شفيق :بالحساب يعني ايه أزاي يعني انا عفوا يعني في الكلام إني انا الأزمة تقعد أد ايه سنة سنة ونصف سنتين ما انا بطلب الطيارة تيجي بعد سنتين طيب ما انا اطلبها دلوقتي واخد بالك واشتغل المطارات اشتغلنا نفس المنطق عملنا كل عقودنا تماما وأحب أقول لحضرتك ان المؤسسات الدولية فهما تصرفنا دلوقتي انا الحقيقة اللي ما أخر كان من المفروض الجمعة اللي فاتت دي فأجلته أسبوعين لظروف خاصة يعني علشان نمضي عقد من البنك الدولي لتمويل صالة جديدة ضخمة جدا د/عمرو عبد السميع : صالة جديدة يا أولاد الوزير/ احمد شفيق :صالة جديدة في مطار الغردقة طيب البنك الدولي عليه بايه البنك الدولي أدانا قبل كده قرض في القاهرة وفي شرم الشيخ ولقي انه قادر يعمل منظر قدام العالم يقول إني انا أقرضت مصر قرض كذا وقرض كذا وادي النتيجة فبالتالي يجوا لغايه عندي يقولوا عندك ايه مشاريع د /عمرو عبد السميع : ده اللي حقق الفائض ؟ الوزير/ احمد شفيق :اللي حقق الفائض ان احنا الفائض ممكن يكون قل عن ما كان متوقع لكن مخسرتش وده اللي يهمنى أقوله اللي حقق الفائض ان احنا حسبنا مبكر شوية رمينا نظرنا بعيد شوية كان فيه رؤية بعيدة شوية رؤية متأسف بعيدة شوية ناس تتحمل المسئوليه ناس عارف تقدر هي يتعمل ايه حسبنها صح ومن فضل الله مجهودنا نجحنا د /عمروعبد السميع : سيادتك يا فندم لما كنت قائد القوات الجوية ابتديت عمليات لتصنيع طائرات تدريب في مصر لذلك احنا كنا متوقعين لما تبقي وزير الطيران المدني انك تبذل مجهود ما لعمليات تصنيع ولو أجزاء من الطائرات محصلش ليه ؟ الوزير/ احمد شفيق : سؤال غريب جدا يجي لي النهاردة الحقيقة يعني بالأمانة بكلم حضرتك النهاردة كان عندي وزير التجارة والصناعة أو وزير الصناعة الروسي في مكتبي وأنا كان جة زارني مرة قبل كده وقلت له انا عاوز أضع الموضوع ده على خلفية ايه إني انا إثناء فترتي قوات جوية إذا كان مسموح لي ان أقول كده يعني كنت اجتهدت جدا وقطعت شوط كبير جدا ان احنا نصنع طائرة للتدريب متقدمة جدا مع احدي الدول المتطورة في الموضوع ده ونجحنا مع الصين وتم الإنتاج وطارت وأنا موجود الحقيقة التجربة عالقة في ذهني طيب انا كراجل بقي مدني دلوقتي نفسي الطيران يعيش بين الناس يعني نفسي الناس تلاقي في ركوب الطائرة سهولة زي اللي بتلقيها في ركوب القطار يبقي انا نجحت د /عمروعبد السميع : ده متوقف على سعر التذاكر ؟ الوزير/احمد شفيق : لأ مش بس التذاكر مش بس السعرحضرتك في حاجات كثير قوي الوقت الراحة البز ينس اللي ورآك وهكذا حضرتك طبعا انا بقول هذا الكلام طبعا لا أقارن سعرالطائرة بسعر القطار النهاردة لكن اللي انا واثق منه مليون المائة ان سعر القطار علشان يبقي قطار صح مينفعش يكون كده هيغلي ولو احنا عوزين قطار صح لازم نسمح له انه يغلي هي مش بتاعتي لكن كراجل مصري بتكلم أتخيل ومرت بتجارب مماثلة اعتقد ان في يوم من الأيام سعرالقطار يقترب جدا من سعرالطائرة ,سعرالطائرة البسيطة اللي تنقلك حضرتك داخلي من القاهرة د/عمروعبد السميع : تتخلق بقي ثقافة استخدام الطائرة في النقل الداخلي ؟ الوزير/احمد شفيق : بس كده النهاردة كان عندي النهاردة وزيرالصناعة الروسي جايب لي اللي انا كنت طلبته منه قبل كده قلت له أديني طائرة اصنعها نفس اللي حصل مني وأنا قائد قوات جوية قلت له أديني طائرة بسيطة اصنعها علشان تنقل الناس د/عمروعبد السميع : عند حضرتك تصور ايه هي الطائرة دي ؟ الوزير/ احمد شفيق : حاجة صغيرة د/عمروعبد السميع : زي ؟ الوزير/احمد شفيق : حاجة 10, 12 , 13 . 14 فرد د/عمروعبد السميع : مش بتكلم على السعة بتكلم على النوع ؟ الوزير/ احمد شفيق : مقدرش احكم نوعها دلوقتي أيا كان النوع ما دام احنا اقرناه ولقيناه مناسب ومأمون وسليم انا عاوز واحد النهاردة واحد أمبارح يقولي هل أنت شايف ان مناسب الواحد يطلع من الحتة الفلانية علشان ينزل على 300 كيلو بطائرة ده هو بياخذ 45 دقيقة علشان يطلع واخد بالك من سؤالي و45 دقيقة علشان يطلع وبعدين يطير 10 دقائق وبعدين ينزل 45 دقيقة علشان ينزل علشان يطير 300 كيلو ما يروح بالعربية قلت له يبقي الطيارة غلط يبقي هو اشتري طيارة غلط طيب ما انا بروح أمريكا انا مش بسمي أسماء دلوقتي علشان حاجة انا بدي مثل ما انا بروح نيويورك وعلشان أروح واشنطن اركب طيارة صغيرة أد كده يطير بي على ارتفاع بسيط جدا لا يطلع 45 دقيقة ولا ينزل 45 دقيقة د/عمروعبد السميع : من مطار كندي الى مطار ريجان . الوزير/ احمد شفيق : بس كده يأخذها في طيارة بسيطة جدا لا طلعت 45 دقيقة ولا نزلت 45 دقيقة الكلام اللي أنت بتقوله مش مظبوط يبقي احنا نقينا طيارة غلط الطيران لازم يعيش في وسط الناس زيه زي القطار وزى العربيات بالظبط بفارق سعر صغير أد كده يقوم الناس تعمل د/عمروعبد السميع : تعمل موائمة ؟ الوزير/ احمد شفيق : بس انا دلوقتي انا محتاج للوقت علشان اعمل كذا هاكسب وقتي إني أروح بالطيارة شرم الشيخ كان بيطلع طيارة واحدة في اليوم د/عمروعبد السميع : دلوقتي 12 طيارة ؟ الوزير/احمد شفيق : الأقصر كان بيطلع طيارة واحدة في اليوم النهاردة 12 , 14 طيارة وهكذا يعني حضرتك لما تحط للناس الجمهور الجمهور يا فندم فوضني باعتباري خبير في الطيران اقدمة لازم انا أقدم له البضاعة اللي ممكن يستخدمها فانا لما قدمت البضاعة سهلة للجمهور يروح بها الأقصر 12 مرة في اليوم بقي يروح الطيران مليانه مع ان كانت طيارة واحدة في اليوم ومدوغة الناس علشان يحجزوا عليها د/عمروعبد السميع : دلوقتي الناس بتشوف أحيانا نوع من التناقض في سياسات الطيران في مصر يقولك احنا بنلغي خطوط أو أسواق لمصر للطيران وفي نفس الوقت نشتري طيارات الوزير/احمد شفيق : دلوقتي حاليا الزملاء بتوع التخطيط قعدين يخططوا لمن 2013 : 2016 وهكذا يعني هي مراحل احنا نطمع ان احنا نبقي 2013 : 2016 . 72 طيارة ليس معنا ذلك 72 طيارة كفيين لمصر ولا لواقع مصر لكن احنا مبنرفعش الطيارات بس احنا بنرفع الطيارات والمطارات نرفع الخدمات لكن احنا اللي بتتقدم كله لازم يبقي ماشي مع بعضة يعني يار فرحتي النهاردة أعملهم بدل 72 طيارة140 طيارة ويتخنقوا في المطار يروحوا ميرجعوش تاني الفكر ان انا اعمل عدد الطائرات لما ينزل على الأرض يتخدم في المطارصح يتخدم في التاكسي اللي بره المطار صح يبقي المجموعة على بعضها يخدم على بعض د/عمروعبد السميع : سيادتك في هذا السياق في المؤتمر العام التاسع للحزب الوطني الديمقراطي في الخريف اللي فات اشتكت من ان القطاع الخاص لا يساهم في عمليه الطيران المدني لان الاستثمارات بتاخذ وقت واستثمارات كبيرة ومفيهاش آمان كافي يعني فيها مخاطرة ماليه علشان اخش استثمر في مجال الطيران المدني طيب مش برضو المفروض يبقي في محفزات لهذا الاستثمار علشان يبقي عندنا شركات طيران كثيرة تكمل عدد الطيارات الى الحجم المطلوب الوزير/احمد شفيق : ابتدي الإجابة لحضرتك بالعكس محفزات عملنها الأول كان لازم اللي عاوز يعمل شركة طيران خاصة يحط ملايين النهاردة كان حضرتك يتفتح سوبر ماركت نفس ال 250الف جنية اللي تدفعهم علشان يفتح محل بقالة أو سوبر ماركت هي اللي تدفعهم في هيئة الاستثمار علشان تعمل شركة طيران كل الأمور اللي تسهل العمليه عملناها ما عدا بند واحد د/عمروعبد السميع : ايه هو ؟ الوزير/ احمد شفيق : عمر الطيارة علشان يبقي امان للراكب علشان ميجيش واحد يشتري طيارة هلكانه لازم تروح تترمي وتتكهن تبقي كهنه يجب يبدأ بها شركة دي الحاجة الوحيدة كل ما يتعلق بأمان الراكب هو اللي راعته فيما عدا ذلك يا فندم روح اعمل شركة وادفع عليها كأنك بتدفع سوبر ماركت مش عاوز منك كذا مش عاوزك تملك طيارة الأول كان لازم تملك طيارة وبعدين نبتدي تعمل شركة يمكن عندك طيارة صغيرة دلوقتي ابتدي بها الشركة وانجح والسنة اللي جايه عاوز أكبرها بطيارة ثانية أبدا اجر طيارة بس انا افتش عليك وعلى الطيارة د/عمروعبد السميع : لصالح المجتمع ؟ الوزير/احمد شفيق : بس اطمئن انها جاهزة للراكب صح ادفع 250 ألف بس كأنك بتعمل سوبر ماركت كل التسهيلات قدمنها كل التسهيلات انا بقول ايه انا ده رأي الشخصي ان الناس تتحفظ ليه في الشركات في القطاع الخاص في الطيران المدني انه استثمار كبير وعائدة مش سريع لكن لما يجي عائدة يفتح يبقي كويس قوي وأنا بطمئن الناس انا بقوله معلش متطمعش في أول سنة متطمعش في تاني سنة لأنك دفعت كثير والاستثمار أنواع في حاجة انا بحط القرش النهاردة يجيب قرش بكرة د/عمروعبد السميع : عاجل وآجل الوزير/احمد شفيق : لكن هيفضل يجب قرش قرش قرش مش هيحيب كثير لكن النهاردة أحط قرش مش هيجيب كثير أول سنة ويمكن تاني سنة لكل لما يجيب هيجيب كويس قوي الطيران لما يستثمر صح مع الوقت يجيب كويس قوي د/عمروعبد السميع : الطيران لما يستثمر صح يحي نتيجة كويسة قوي ونتواصل بعد الفاصل فاصل د/عمروعبد السميع : عدنا لنواصل الحديث في ملف الانتماء مع الفريق شفيق وزير الطيران المدني الحوار وسيلتكم للاندماج في قضايا المجتمع في القناعة الوطنية وادي ضيفنا أسئلة وحاورة وناقشة تامر بسيوني عضو لجنة شباب الوفد بالمحافظة ورئيس شباب الوفد بشبرا : سيادة الوزير اسمح لي ان أتقدم لسيادتك بسؤال متى سوف نكون في المرتبة الأولي مثل المطارات الدوليه العالمية من حيث الانضباط والهبوط في الطيران وصيانتها حيث نلاحظ في الفترة الأخيرة هبوط الطيارات بعد إقلاعها بسبب أعطال فنية د/عمروعبد السميع : زميلتك انجي السيد على تجارة القاهرة : لماذا لا يتم السماح لشركات الطيران الاقتصادية بالعمل على خطوط طيران داخليه مما يؤدي الى حفظ الأسعار وتنشيط الطيران الداخلي شكرا د/عمروعبد السميع : تمام زميلك احمد طلعت أبو دومة عضو مجلس محلي محافظة سوهاج وأمين شباب الحزب الوطني بالمحافظة د/عمروعبد السميع : انتو عندكم مطار يتبني في سوهاج ؟ احمد : حاجة جميلة جدا وأمنية طال انتظارها ان يكون لسوهاج ابعد محافظة في المسافة للوصول من عاصمة البلاد لأي محافظة في مصر كانت محافظة سوهاج هذا المطار العظيم اللي احنا حلمنا به وانتظرناه كثيرا لكن الحكومة تشكر جدا على إنشاء هذا المطار د/عمروعبد السميع : متشكرش الحكومة . احمد : لكن في تصريحات خرجت من الحكومة ايضا بتقول ان مطار سوهاج الحلم الذي انتظرناه أقيم وإنشاء في منطقة تعتبر من مناطق مخرات السيول اسأل المسئول الأول عن الطيران المدني في مصر سيادة الوزيرطمني وطمن السوهاجيين د/عمروعبد السميع : زميلك ياسر لبيب صحفي بالوفد : سادة الوزيرايه مقياس النجاح الل في ضوء حضرتك مجال حضرتك في الطيران المدني في ضوء ان وزير السياحة في رحلته الأخيرة استقل احد خطوط الطيران غير الوطنية وده يجعلك كمواطن إني انا بعد كده مش هقبل د/عمروعبد السميع : متوقعش بين الوزراء زميلك . احمد عبد العزيز حقوق القاهرة : عاوز أسئل حضرتك قرار انضمام مصر للطيران لتحالف " أستار " ايه اللي استفادته مصر للطيران من الانضمام للتحالف ده وبعد انضمامها هل تقدمت في التصنيف العالمي لشركات الطيران د/عمروعبد السميع : تمام زميلك احد الحضور: مساء الخير معالي الوزيرطبعا د/عمروعبد السميع : مساء النور أهلا وسهلا انا طيارمحمود عبدالرحمن : طبعا انا تشرفت إني أكون في لقاء مع حضرتك النهاردة معالي الوزيرسؤالي ايه هي الشروط الواجبة توافرها في اختبار طياري الشركة الوطنية وخصوصا في ظل تحديث وتطوير الأسطول الجوي لشركة مصر للطيران د/عمروعبد السميع : تمام زميلتك أميرة محمد كلية إعلام جامعة القاهرة : يا سيادة الوزيرعبارة بتشوف المطار بقت عبارة لها اكبر الأثر في الترويج العقاري في مصر د/عمروعبد السميع : آه يعني يقولك يري البحر يري المطار أميرة : وأصبح السكنة بجوار المطار نوع من أنواع الوجاهة الاجتماعية ايه المشاكل بين المستثمرين والوزارة وزارة الطيران المدني ايه المشاكل الكبيرة اللي حصلت دي د/عمروعبد السميع : مستثمرين ايه العقاريين اللي يبنوا المنشات دي ؟ أميرة : العقاريين بالظبط كده د/عمروعبد السميع : تمام زميلك محمدعبد الرحيم محمد طالب بكلية الألسن جامعة عين شمس : هو سؤالي لمعاليك يتعلق بالسياحة بعض الشيء كيف يمكن استخدام الرحلات الجوية وسيلة من وسائل تشجيع السياحة في مصر الى أي مدي يستمتع السائح الأجنبي بالراحة الجوية زي ما هو يستمتع كمان بجو وأثار مصر هل بالفعل احنا استطعنا ان ندرك الراحة الجوية في الرحلة السياحية د/عمروعبد السميع : انا بمناسبة إني جئت وقعدت مع الشباب بقي أسئل معاهم كمان سؤال كأني من الشباب يعني الحقيقة انه هناك ظاهرة فريدة جدا تتعلق بانجاز الطيران المدني في مصر وهو ان الانجاز محل اعتراف قوي الموالاة وقوي المعارضة مع بعض ايضا ما هو تفسيرك لمثل هذه الظاهرة سيادة الفريق أتفضل ؟ الوزير/احمد شفيق : مواعيد الطيارات بيضرب المثل طبعا لست في موقع دلوقتي إنني أقول أي كلام غير لو كان كلام موثق بيضرب المثل في مصر للطيران في حجم التغيير اللي حصل في الانضباط في مواعيد الإقلاع والهبوط ولكن حصل حاجتين في السنتين اللي فاتوا يعني بعد ما انضبط الأمور اختلت مرتين مرة اختلت لإضرابات وخلل في الحركة الجوية في وسط أوروبا خلي كل ما يسمي بالقطاع كده اللي سيادتك بيسمح لك به بالطيران في أوروبا طبعا أوروبا كلها دلوقتي الطيران في وسطها موحد يعني يغير كله من بروكسل بحيث ينظم حركة الطيران نظرا للازدحام الشديد في المنطقة كل التعليمات الطيران هنا إذا كانت اختلت لفترة نتيجة حركة مراقبة جوية الخ والمسيطرة على الطيارات خلتهم يغيروا المواعيد بدل ما يدوا يعني هما موافقين على طائرة مصر للطيران تطلع من القاهرة الساعة 10 يقولوا لنا لأ الساعة 10 تبقي الساعة 11.30 الساعة 10 تبقي الساعة 12 وهكذا نتيجة الخلل في الإدارة ونتيجة الاختلال اللي حصل نتيجة حركة العمال الموجودة الخ الحاجة الثانية احنا تعرضنا لموقف وأنا أقريت به واعترفت ان احنا حصل عندنا نتيجة التفتيش اللي حصل على مصر للطيران عدة مرات من الأجهزة المختصة في الاتحاد الأوروبي اللي هو الممر بتعنا الدائم قالوا ان مصر للطيران فيها عيوب كذا وكذا وكذا العيوب دي انا معترف بها كلن هي عيوب طبيعية كلنا ممكن نغلط فيها بنهتم بالكبير ولا نهتم بالصغير فعدنا على إصلاح هذه العيوب بدون وقت ناس ايدوا منتهي التقدير د/عمروعبد السميع : انجازنا بدون وقت . الوزير/احمد شفيق : يعني ابدوا بمنتهي التقدير ان احنا في هذه الفترة استجبنا لكل طلباتهم وقعدنا بقينا نواكب تماما أو نتوافق تماما مع الشروط الموضوعة الفترة دي أخلت ليه لان الفترة الأولي يقول توقيتات جايه من فوق من السيطرة المركزية من أوروبا الفترة الثانية اللي حصل فيها الخلل نتيجة ان الحقيقة ابتدينا بقي علشان نركز على أدق التفاصيل اللي مطلوبة يعني حتة موكيت كده محطوطة في ارض الطيارة متطلعش الطيارة أدينا وقت للصيانة ما بين الطائرات ولكن بنطلع مظبوطين المرة دي هتاخر بعد أسبوع مش هتاخر بعد شهر نبقي العمليه منتظمة وهذا ما كان ظبطنا الأمور أذن جاءت لنا فترة في النص حصل خلل شوية ولكن مصر للطيران رسميا بيضرب بها المثل انها عندما تظبط التوقيتات ظبطتها بمنتهي الدقة الطيران الداخلي انا شايف ان احنا مكناش نحلم في 3 , 4 سنين نعمل طيران داخلي زي الموجود حاليا يمكن أخونا الفاضل /عمرو وأنا بكملة دلوقتي احنا كنا وهو حضرتك أثارتها الأقصر كانت بتطلع طيارة واحدة في اليوم وبتطلع الساعة 4 الصبح شرم الشيخ كانت بتطلع طيارتها الساعة 5 الصبح أو 4 وبتطلع الساعة 4 ليه لان في طيارة اللي هتطلعها طيارة من اللي طالعة أوروبا فبتطلع بدري علشان تواصل الناس بدري وترجع القاهرة تجهز علشان تطلع أوروبا لما اشترينا طائرات الطيران الداخلي انتظمت الأمور وبقي في 8,10 , 12 , 14 رحلة للمدينة الواحدة في اليوم زي الأقصر وشرم الشيخ وزي الغردقة وهكذا مطار سوهاج ومخرات السيول كلام غير سليم وأي كلام يقال بسبب الحقيقة القوات المسلحة تفضلت مشكورة انها تدفع فلوس لما لقينا مفيش مستثمرين بيساعدونا في إنشاء مطار سوهاج فالقوات المسلحة تطوعت وقالت انا أحط من فلوسي وابني كمستثمر ابني مطار سوهاج كل الأوراق الرسمية اللي عندنا من كل الأجهزة الرسمية بما فيها الأجهزة اللي بتقرر مخرات السيول مضية ان هذا المطار وهذا الموقع بعيدا تماما عن مخرات السيول د/عمروعبد السميع : تفاصيل اهو علشان ماتسمعش إشاعات بعد كده . الوزير/احمد شفيق : وإذا سمعت إشاعات وطلعت صح يبق هيجي مسئول مضي في يوم من الأيام علشان أكون صريح لكن هناك أوراق كاملة بتقول ان الموضوع ده سليم تماما اللي هي بعده عن مخرات السيول موضوع تحالف أستار التحالف الرئيسي ما بين ثلاث تحالفات رئيسية في العالم احنا كان لينا الشرف ان نلتحق به معنا ان تلتحق به يعني نستوفي كل الشروط اللي بيعملها اللي بيطلبها وإحنا مشيين وبالعكس الناس سعداء بنا ولغاية وأنا قاعد مع حضرتكم دلوقتي إذا كانت بتطلع ملحوظة من هنا أو هناك تتغطي فورا لكن هنا الناس سعداء بنا تحالف أستار يعني ايه يعني احنا بنقعد نشوف مصلحتنا مع بعض كل الشركاء بتشتري مثلا الفول أو الجاز بتعنا بالجملة من الحتة الفلانية لأني باخذ بسعر ارخص بنشيل عن بعض مع المطارات الرسوم بتاعة النزول بتخففها بتعمل خدمة مشتركة مع بعض زي ما يكون جمعية علشان تشوف مصالح أعضائها وإحنا مشيين جدا معاهم بجدية واعتقد أنهم راضيين جدا عن نشاطنا وكل الشهادات بتتقال كذا د/عمروعبد السميع: طيب حكاية وزيرالسياحة اللي مبيركبش طيارات الشركة الوطنية يا فندم ؟ الوزير/احمد شفيق :اعتقد يا فندم انه مرتبط بميعاد موجود له متيسرش في الطيارة فخد الطيارة اللي موجودة وقد يكون كمان خدها من الطيارات الشريكة في التحالف فتبقي لحسابنا كمان فميزة من الميزات يعني ممكن يكون خد مثلا لو خد طيارة ألمانية التذكرة محسوبة بثمن لو خدها من مصرللطيران يعني احنا بنتبادل المصلحة بيننا وبين بعض مع الشركات د/عمروعبد السميع: الشركة الالمانية كانت من أكثرالشركاء في تحالف استاراللي كانت متحمسة لانضمام مصرللطيران الوزير/احمد شفيق : أخونا عبد الرحمن بيقول الشركة الوطنية معلش انا اسمع السؤال فين عبد الرحمن عبدالرحمن:هو انا بسال معاليك الشروط اللي يجب توافرها في اختيار الطيارين بالنسبة لشركة مصر للطيران وخصوصا شروط السن الوزير/احمد شفيق : شرط السن عبد الرحمن : تمام يا فندم الوزير/احمد شفيق : أكيد السن ده مشكلة بالنسبة لك اقعد بقي خلاص شوف لو عندك مبرر قوي جدا كانت السبب فيه هي الشركة قالت لك روح ادرس كذا وتعالي أم ضاع السن عنك أعالجها لك فخلينا نعالج الموضوع ده زي أي شركة في العالم يتحط قيود لنفسها بتلتزم بها ولو أنت لك مشكلة في هذا الموضوع قلي عليها وأعالجها لك اكيد لو أنت لك حق فيها اطمئن د/عمروعبد السميع : تمام الوزير/احمد شفيق : عفوا مشاكل المستثمرين والمطارأميرة فين أميرة ايه المشاكل اللي عندك ؟ أميرة : في مشاكل حصلت بين الوزارة والمستثمرين العرب بالذات بعد كده راحوا سحبوا فده اثر علي الاستثمار الوزير/احمد شفيق :عاوزأقولك حاجة يا أميرة معلش خديها مني انتي زي بنتي وأكلمك لما يكون في 100 مستثمر موجودين ومشاكل حصلت مع 5 وراحوا علشان يعلجوا موقفهم ما يبقاش في مشاكل مع المستثمرين لازم هيحصل مشاكل الحياة سنة الحياة ما دام في نشاط يبقي فيه مشاكل د/عمروعبد السميع : وفي مصالح كمان . الوزير/احمد شفيق : وفي مصالح فإحنا ما دام نعالج المشكلة خلاص لكن بصفة عامة انتي بتقولي مشاكل المستثمرين تعالي اوريكي في الشركات والمطارات تلاقي العمليه مشية زي الحلاوة عشرة على عشرة ليه مشاكل خلي يعالجوا مشكلتهم لكن بصفة عامة بشكل عام معندناش مشاكل مستثمرين اميرة : انه هو في حاجة تمنع ان مناطق سكنية حولين المطارات تتبني الوزير/احمد شفيق : آه في ...... د/عمروعبد السميع : ما هو شرح لك المشاكل الوزير/احمد شفيق : شرحتها بحيث المبني لا يهدد الاقتراب بتاع الطيارة ولا الجهاز بتاع الرادار اللي باعت خط رداري يوصل للطيارة علشان موقعها فين ولا اللاسلكي اللي بيبعت اتجاه لاسلكي علشان خاطر يتصل بالطيارة كل الحاجات دي محطوطة عندنا على خريطة واضحة يقول لو سمحت العمارة اللي هتتبني هنا متزدتش عن كذا لان غير كده توقف حركة المطار أميرة :طيب حصلت مخالفات تجاوزات ؟ الوزير/ احمد شفيق : حصل قطعا وقبل ما ننشأ وزارة الطيران المدني كانت المخالفات زي ما بيقولوا للركب والنهاردة ان شاء الله العدد د/عمروعبد السميع : بقت لغاية الكعب بس ؟ الوزير/احمد شفيق : بقت لغاية الكعب د/عمروعبد السميع : طيب سيادتك مفسرتش لنا ليه هذا الإجماع من قوي الموالاة وقوي المعارضة حول الانجازات في مجال الطيران المدني الوزير/احمد شفيق : أولاهوالحقيقة يا فندم انا صاحب المشكلة أو صاحب الموضوع فمش عيب إني انا أتكلم عنه ولكن انا مضطر علشان سؤال حضرتك لان في أنتاج أنتاج مصر للطيران إنتاج الناس شيفينة المطار أتغير موقعة ظروفه مطارات أتغيرت ظروفها شركة مصر للطيران وطنية أتغيرت ظروفها شركات طيران خاصة بقت بمنتهي السهولة تنشاء وتشتغل في قيود لنا تشتغل صح ولا تترفض كل حاجة اعتقد إني انا النهاردة أسهل عليه الرد من أربع سنين فاتوا الوزارة نشاه من 8 سنين لو قسمنها نصفين أقول دلوقتي في الأربع سنين التانيين انا مش محتاج الحقيقة أدافع كثيرلان النتيجة بتاعة الإصرار على الصح د/عمروعبد السميع : حتي كلمنا معاك في حالة حوار من حوالي 3 سنين ودلوقتي مختلف كمان تمام يعني ايه كلمة وطن يا سيادة الفريق ؟ الوزير/احمد شفيق : يا حضرتك سالت بسرعة جدا وطن يعني بيت حاجتين الواحد ممكن يموت علشنهم لو هو سوي يموت علشان أسرته يموت علشان وطنه د/عمروعبد السميع : حجتين الواحد يموت علشنهم يموت علشان أسرته ويموت علشان وطنه والنقاش مستمروحالة حوار قائمة وعلى لقاء ان شاء الله .
