نصائح “فيس بوك” و”تويتر” للإخوان “إذا تظاهروا”: بلاش ترامادول ولا عباية كباسين.. وحاسبوا على عجلة الإنتاج

* نشطاء: معلش النهاردة يوم اليتيم.. والداخلية لا تطلق الخرطوش واسئلوا الكتاتني
* رابط مجمع على “تويتر” بعنوان “موتوا لوحدكم”.. والتعليقات: الشعب الذى طلبته قد يكون مسحولا أو مسجونا
كتب – محمود عبد المنعم وعمرو شوقي:
قدم نشطاء على موقعي التواصل الاجتماعي “فيس بوك” و”تويتر”، عددا من “النصائح الساخرة” لجماعة الإخوان المسلمين “إذا قرروا التظاهر في التحرير” للمطالبة برحيل الجنزوري.
وعلى “فيس بوك” كتب النشطاء للجماعة نصائح عديدة منها “بلاش ترامادول، ولا بنات بتلبس عباية كباسين” و”خلوا بالكم من عجلة الانتاج. ودشن النشطاء على موقع تويتر هاشتاج بعنوان ''موتوا_لوحدكم#'' (https://twitter.com/#!/search/%23موتوا_لوحدكم ) قال من خلاله أحد النشطاء :''الشعب الذى طلبته قد يكون مسحولا أو مسجونا!!''.. وأضاف آخر:''لا تتوقعوا منا المشاركة في هتاف نحن صنعناه وأنتم حاربتم من أجل صمتنا، وقت أن كنتم في أحضان العسكر''.
ومن تعليقات نشطاء:
- اطمئنوا الداخلية والجيش مش بيسحلوا، ولا عندهم خرطوش، حتى اسألوا الكتاتنى
- روحوا بعد العصر وبلاش اعتصامات عشان عجلة الانتاج متتعطلش، ورانا مصالح
- بلاش يكون معاكم مندسين أو أجندات أو عناصر خارجية''
- معلش مش قادرين ننزل معاكم أصل كتير مننا استشهد والباقي اتعما أو مصاب أو اتسحل أو في المعتقل وانتوا سكتوا ووقفتوا تتفرجوا.
- طيب خليهم هما بقا يعملوا ثورة ولو نجحوا إحنا بقا نركبها .
- الاخوان عايزينا ننزل معاهم الميدان تفقأ أعيننا ونقتل ونسحل حتى يضغطوا على المجلس العسكري وعندما يستجيب المجلس ويمنحهم السلطة المطلقة ها يجروا يحصدوا الغنائم و يسيبونا نتسجن ونتخون.
- ماما بتقولي لو جدعان مفيش حد يروح أي مليونيه للأخوان واحنا نقعد نقول انهم بياخدوا فلوس وترامادول.
‎‫
- قبل اعتذار رسمي وتكريم شيخ عماد ومينا وشهداء محمد محمود ومجلس الوزراء وماسبيرو وبورسعيد ملكمش غير”#موتوا_لوحدكم‪‏ ” صعب أصدقكم تاني .
- هم مش محتاجين حد ينزل معاهم، هم عدد كبير، ومنظمين، ومعاهم الأغلبية واحنا من حقنا نرتاح ونلم نفسنا ‫#موتوا_لوحدكم‪‏.
- قالوا الإخوان من قبل ‫#موتوا_بغيظكم‪‏ ونحن نقول لهم الأن ‫#موتوا_لوحدكم‪‏
- مش نازليين التحرير يا ولاد ******.. دي الثورة كانت بالنسبالكوا صفقة.. حنروح و نقول لمين.. أخوانا ******.
‎‫
- في هذه الظروف العصيبة يسعدني أقول للجماعه : إلبسوا بغيظكم
‪‏- الإخوان عاملين مليونية الجمعة الجاية.. بس معلش بقى.. يوم اليتيم .. ومانقدرش نفوته.. مرة تانية ان شاء الله