ترجمة خطاب مبارك على تويتر.. شكرا على حسن تباطؤكم معنا

* معنديش فلوس .. فتشنى فتش.. و أنا أسمى مبارك .. ممكن تساعدني ابنى حمام سباحة في شرم
* تعليق : جمال ايه اللى تحققوا معاه .. من انتم؟ .. من انتم؟ .. وأخر : ينفع علاء وبلاش جمال
* الأحداث الراهنة تفرض الاختيار بين حكمى والثورة المضادة.. ولن ينعم المصريون بالأمن حتى نعيشه واقعاً في شرم الشيخ
كتب – أحمد سمير:
دشن نشطاء على تويتر خطابا بديلا للرئيس السابق محمد حسنى مبارك، يسخر من رغبة الرئيس السابق في إثارة تعاطف معه ويتحدث عن الرسائل التي كان يرغب في توجيهها للشعب بعد رحيله.
يحز في نفسي ما ألاقيه من بني وطني من حقد على القصر اللي مأنتخ فيه
لو جايين شارم الجمعة الجاية هاتوا معاكم دراع بلاي ستاشن زيادة
ارفض التعامل الأمني مع المتظاهرين خلال الجمعة الماضية
القذافي طلع على توك توك .. انا طالع على العربية
الإخوة المواطنون... ابناء مصر .. هرجع من أجلك أنت ...نياهاهاهاها . ..ضحكات شريرة متقطعة
الأحداث الراهنة تفرض الاختيار ما بين حكمي أو الثورة المضادة
أظنّ إتسلّيتو بما فيه الكفاية وأنا خدت أجازة كويسة.. نكمّل بقي؟ سأظلّ.. وانتوى
أعلن انضمامي للقاعدة ..وبسجل شرايط زي الظواهري
حطلع خطاب تاني فيديو مع يسري فوده .. بشرط عدم حضور الأسواني
ده أول سنجل لي.. وناوي أعمل ألبوم تسجيلات كامل وبنتفاوض مع روتانا
احنا ولاد منطقه واحده وعيب نعمل مع بعض كده
أنا أسمى مبارك .. ممكن تساعدن ابنى حمام سباحة في شرم
معنديش فلوس .. فتشنى فتش
لن ينعم المصريون بالأمن حتى نعيشه واقعاً في شرم
شعبي العظيم.. أنا قررت اعمل اكونت على تويتر .. فولو مى بقى
ما كانت الثورة لتنجح لولا توجيهاتي و متابعتي لتطوراتها دقيقه بدقيقه
الدستورية أنا قلت لأ للتعديلات
مستر إكس مش ممكن يموت
أنا أدمن كلنا خالد سعيد
أعلن استقلالي بشرم الشيخ
رد على تليفونك يا صفوت وبلاش تنفيض
أنا مش حرامى .. انا مش خرونج .. انا كينج كونج
متصدقوش إذاعات هذول الكلاب أنا مسرقتش 70 مليار هما 68 بس
انا طاهر و حفضل طول عمري طاهر .. يا ام المطاهر
شكرا على حسن تباطؤكم معنا
الواد جمال ده مش ابني .. لقيته و هو صغير قدام باب المطار
طيب ينفع علاء يرشح نفسه وبلاش جمال
إن كان على سوزان أطلقها .. أنا ماليش غير الإخوة والأخوات
جمال ايه اللى تحققوا معاه .. من انتم؟ .. من انتم؟
لو كنتم اجتهدتم زى جمال كنتم حوشتوا من مصروفكم زيه