مش عاوزيين أمريكا تجينا

جواسيسكو معاكو شفّافين ومعانا خبثا ومكّارين عشان حمير متساقين ينعَّروا ويرفَّسوا فينا
كشفناهم بنتوا غادرين طلبتوا مايبقوش مساجين
ليه بقي دول ناس مجرمين موافقين تبقي دولة سينا
بنتوا خدّامين الصهايين من سنة سبعة واربعين
بالفيتو سلبتوا فلسطين وابتديتوا تتآمروا علينا
روحتوا لحسابهم فاتحين عراق العرب بالخاينين
وتقرير مصري مش أمين بعتّوه لينا عشان يئذينا
زحمنا التحرير ثايرين نحّينا حكومة مأجورين
مأسورين وليكو مطاوعين ثورة قامت عشان ترضينا
شبابنا شغل مش لاقيين بنظام خونة وبيّاعين
والفنّيّين مفصولين وامهم عشانهم حزينة
ثورة خليتنا فرحانين وانتو الفوضي مرتِّبين
بالسفيرة اديكم مهروشين معونتكو مش رحتغرينا
كدب عملتوا مأيِّدين وقولتوا ما احناش ليبيّن
والناتو ماهُمّاش جايّين هجّاصين وبتلعبوا بينا
رشيتوا شوارعيّة صايعين كانوا للداخليّة جاهزين
لارهاب وغياب الناخبين نغيب يقولوا صواتنا عطينا
بلطجيّة هاجوا مشاركين طلَّعوا عين المصريّين
بإسّ المحبوسين هايجين والمجازر في كلّ مدينة
عوج حراميّة وخطّافين سلاح ومخدَّرات جالبين
من أهل زور متآمرين في شرم ليهم ألفين كابينة
عاوزين تشرمطوا الملايين يبقوا ولايات متخاصمين
معونتكو ما احناش عايزين مصر مش حتفضل مدينة
الكنوز حتبان بعدين وحتصيروا انتو المحتاجين
حنعينكو ومش بخلانين ومصر بينا حتبقي حصينة
بكرا حنصدَّر للصين فنّيّن ومهندسين
مش حنعود مستوردين والسما تبقالنا مُعينة