»أنا سلفي ما بعضش ولا بضرب «

صفحة للدفاع عن السلفيين

شعارات الحملات المتبادلة على الفيس بوك يتفاعل عدد كبير من السلفيين علي صفحة ""أنا سلفي وما بعضش ولا بضرب " علي موقع التواصل الاجتماعي " الفيس بوك " والتي تم انشاؤها من اجل تحسين وتجميل الصورة التي ذاعت وانتشرت حول السلفيين والتي تضمنت تخويف المجتمع من افكارهم ونهجهم .. ومع الفوز الذي حققه حزب النور السلفي رغم كونه من الاحزاب الوليدة التي ظهرت من رحم ثورة 25 يناير وتحقيقه لنتائج فاقت احزابا لها اسمها وتاريخها الطويل حرص النشطاء من السلفيين علي تصميم صفحات تروج لفكرهم وتدافع عنهم وتوضح انهم لا يمثلون خطرا او تهديدا علي المجتمع بل يحملون في جعبتهم الكثير من الافكار والمشروعات التي لو تم تنفيذها لحققت الخير لمصر .. ونبرز صفحة " انا سلفي ومابعضش ولا بضرب " والتي يبلغ عدد زوارها 90 الفا و450 زائرا .. وقد تبني الادمن المسئول عن الصفحة اسلوبا هزليا وتهكميا من اجل ابراز الهدف من انشاء الصفحة قائلا " أنا سلفي وما بعضش ولا بضرب وعمري ما طلعت في كوابيس لحد وخوفته :)) والله بجد يا جماعة .. أصلي سمعت إن السلفيين نازلين بيضربوا الستات في الشوارع وبيقيموا الحدود واللي بيشوفوه بيقطعوله ودنه :) وشايلين ازايز مية نار -اللي عمري ما شفتها في حياتي - وبيتجمعوا بالآلاف في كل مكان يضربوا اللي مش عاجبهم وكل ده بيحصل وأنا سلفي ومعرفش حاجة عن الكلام ده !!
وعمري ما شفت حد من صحابي السلفيين نزل في الشارع وشارك في مهرجانات الضرب وتقطيع الودان وحرق البيوت وحدف الطوب !!
ده ناقص يقول: إن السلفيين هما اللي عملوا تسونامي اليابان وخرجوا مصر من بطولة أفريقيا :))
يا جماعة .. احنا كسلفيين مسلمين والله مش عصابات إجرامية وتنظيمات إرهابية..
وأهم حاجة عندنا رضا ربنا سبحانه وتعالي عمرنا ما بنعامل حد غير بأخلاق الإسلام اللي هي التعامل بالحسني وعمرنا ما بنضرب حد لو لقيناه بيعمل معصية لأن الله عز وجل يقول: (ادع إلي سبيل ربك بالحكمة والموعظة الحسنة) وعلي طول نستصحب قول النبي صلي الله عليه وسلم: (لا يكون الرفق في شئ إلا زانه ولا ينزع الرفق من شئ إلا شانه)، وقوله صلي الله عليه وسلم: (إن الله رفيق يحب الرفق في الأمر كله).
وعشان كده أنا لما أشوف أي واحد لازم أتبسم في وشه عملا بقول النبي صلي الله عليه وسلم: (تبسمك في وجه أخيك صدقة) ولما أشوف حد بيعمل حاجة غلط بنصحه باللين وبالحسني لأنه أخي في الدين وله مكانة من الحب في قلبي .. بلاش يا جماعة ننساق ورا شائعات مالهاش أصل .. لأن اللي بيطلع الشائعات ديه بيبقي هدفه يخوف الناس أولا ويزيل الاطمئنان من قلوبهم .. وبيبقي هدفه ثانيا تشويه صورة الملتزمين عشان يصد الناس عنهم".
وتحمل الصفحة كل ما يتعلق بآراء قيادات السلف ومشايخهم والاخبار الايجابية عنهم والرد علي الاتهامات الموجهة اليهم وصفحات خاصة بحزب النور وقياداته كذلك الحملات الخاصة بالدعوة السلفية وعرضا لاوضاع المسلمين في كل دول العالم .