هشام مبارك إضحك إضحك ليه تضايق وتزعل وتغضب فرفش يلا وهيّص والعب يلا نضحك.. الحكومة لو نسيت مرة مصروفي إللي اتعودت عليه ما كنتش ظروفها مساعداها معهاش فكه أعمل إيه ؟ أزعل لا أتضايق لا أعمل إيه طبعا أضحك يلا نضحك.. أبوحامد لما يزعق لي مرة بكلمة مستقبلي فيها ومصلحتي أزعل لا أتضايق لا أعمل إيه أضحك يلا نضحك..مراتي لو مش رايقة مشغولة عني ومتضايقة مش قادرة مني تاخد بالها والمسلسل التركي واخد تركيزها أزعل لا أتضايق لا أعمل إيه..طبعا أضحك.. لو جاري مرة عشم فيا وخد انبوبتي إللي مليتها بدموع عنيا أزعل لا أتضايق لا أعمل إيه أضحك أضحك يلا نضحك هاهاهاهاها! ب